ევროკომისიის პრეზიდენტმა, ურსულა ფონ დერ ლაიენმა პლატფორმა X-ზე სომხეთის პრემიერმინისტრს, ნიკოლ ფაშინიანს საპარლამენტო არჩევნებში გამარჯვება მიულოცა.

"ძვირფასო ნიკოლ ფაშინიან, გილოცავთ არჩევნებში გამარჯვებას.

2018 წელს თქვენ მიერ დაწყებული ხავერდოვანი რევოლუციის სული კვლავ ცოცხალია.

ჩვენ დიდად ვაფასებთ პარტნიორობას დემოკრატიულ სომხეთთან, რომელიც სულ უფრო მეტად უახლოვდება ევროპას.

სომხეთს შეუძლია ჩვენზე დაყრდნობა," — წერია მილოცვაში.

შეგახსენებთ, საპარლამენტო არჩევნები სომხეთში კვირას, 7 ივნისს გაიმართა. მონაცემების მიხედვით პირველ ადგილზე ქვეყნის პრემიერმინისტრის, ნიკოლ ფაშინიანის პარტია "სამოქალაქო კონტრაქტი" გავიდა ხმების 49.81%-ით.