Heritage Foundation-ის ექსპერტი ეროვნული უსაფრთხოებისა და საგარეო პოლიტიკის საკითხებში, ჯეიმს კარაფანო ირაკლი კობახიძის განცხადებას ეხმაურება.

4 ივნისს, აშშ-ის სახელმწიფო დივარ მარკო რუბიოს მიერ საქართველოზე გაკეთებულ განცხადებაზე საუბრისას, ჟურნალისტმა რიუბიოს კომენტარის ციტირება გააკეთა, სადაც მან თქვა, რომ ქართული მხარის წარმომადგენლებმა თავად ჰკითხეს, რა არის საჭირო აშშ-სთან ურთიერთობების გასაუმჯობესებლად. მათ მიაწოდეს პასუხი და იმედოვნებენ, რომ ამ საფუძველზე შეძლებენ წინსვლას. ირაკლი კობახიძემ ასეთი კითხვის დასმა გამორიცხა და თქვა, რომ არც მას და არც მის კოლეგებს ამერიკული მხარისთვის მსგავსი რამ არ უკითხავთ.

კარაფანოს განცხხადებით, მარკ რუბიოს ტყუილის არანაირი მიზეზი ჰქონდა და ქართულ ოცნებას "უგუნურებაში" და "არასწორ მხარეს ფსონის დადებაში" ადანაშაულებს.

"რუბიოს ტყუილის თქმის არანაირი მიზეზი არ ჰქონდა.

როდესაც ქართველებმა ეს კითხვა დასვეს, პასუხი უკვე იცოდნენ, ამიტომ საერთოდ რატომ იკითხეს?

ნუთუ იმდენად უგუნურები იყვნენ, რომ ვერ ხვდებოდნენ, ეს ინფორმაცია გარეთ რომ გამოვიდოდა?

ეს კიდევ ერთხელ უსვამს ხაზს საქართველოს მთავარ პრობლემას — მათ არასწორ მხარეზე დადეს ფსონი და ანტიდასავლური, მცდარი სტრატეგია აირჩიეს. აშშ მათ "ციხიდან უფასოდ გამოშვების ბარათს" არ მისცემს და თბილისი აშკარად დაბნეულად მოქმედებს.

რეალობა ისაა, რომ თბილისს მოუწევს რეალური ცვლილებების განხორციელება, წინააღმდეგ შემთხვევაში პროცესებს ჩამორჩება და იზოლაციაში აღმოჩნდება," — წერს ექსპერტი.

კობახიძის ამ კომენტარს, რესპუბლიკელი კონგრესმენი ჯო უილსონიც გამოეხმაურა. უილსონის შეფასებით, "აღმაშფოთებელია" ირაკლი კობახიძის პასუხი და მარკ რუბიოს ტყუილში დადანაშაულება.

"ქართული ოცნების მარიონეტმა პრემიერმინისტრმა ჩვენი შესანიშნავი და ღირსეული სახელმწიფო მდივანი, მარკო რუბიო, ტყუილში დაადანაშაულა. ეს აღმაშფოთებელია. საქართველო ირანის, ჩინეთისა და რუსეთის გავლენით არის ინფილტრირებული — მისი ქცევა უნდა შეიცვალოს!," — წერს უილსონი X-ზე.