ალექსა დემიმ ახალ ინტერვიუში ბარბი ფერეირას მიერ Euphoria-ს დატოვების შესახებ ისაუბრა. გამოცემა The Hollywood Reporter-თან გასაუბრებისას დემიმ ფერეირას გადაწყვეტილება გამბედაობად შეაფასა.

"გულდაწყვეტილი ვიყავი, თუმცა ბარბის გადაწყვეტილებას პატივს ვცემ, საკუთარ თავზე უნდა იზრუნოს. ეს გამბედავი ნაბიჯია", — თქვა დემიმ.

ფოტო: Bustle

ალექსას კომენტარებამდე ამ მოვლენაზე თავად ფერეირამაც ისაუბრა. აპრილში, ამანდა ჰირშის პოდკასტში სტუმრობისას, ბარბიმ აღნიშნა, რომ მისი სკანდალური წასვლის შესახებ გავრცელებული ხმები სიმართლეს არ შეესაბამებოდა. სინამდვილეში, მისი სერიალიდან წასვლა ხანგრძლივ ფიქრს და მოლაპარაკებებს მოჰყვა. მსახიობმა განმარტა, რომ მან და სერიალის შემოქმედებითმა გუნდმა, მრავალი შეხვედრის მიუხედავად, ვერ იპოვეს კეტის პერსონაჟის განვითარების აზრიანი მიმართულება.

ფერეირამ აღნიშნა: "მირჩევნია მონაწილეობა მივიღო დამოუკიდებელ ფილმში, სადაც მართლა ვთამაშობ როლს, ჩემს შესაძლებლობებს ვცდი და შემოქმედებითად ვიხარჯები, ვიდრე უბრალოდ ვიჯდე და მეორეხარისხოვან პერსონაჟად ვიქცე".

ფოტო: HBO

მსურდა, რომ მხოლოდ მთავარი პერსონაჟის "მსუქანი საუკეთესო მეგობარი" არ ვყოფილიყავი. არ მინდა ასეთი როლების თამაში და ვფიქრობ, არც შემოქმედებით გუნდს სურდა ეს, — განაცხადა მსახიობმა.

ფერეირამ Euphoria-დან წასვლის შესახებ მაყურებელს 2022 წლის აგვისტოში ამცნო და სოციალურ ქსელებში ემოციური პოსტი გამოაქვეყნა. "კეტში დიდი მზრუნველობა და სიყვარული ჩავდე და იმედი მაქვს, ეს თქვენც იგრძენით", — წერდა მსახიობი.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…