სადაზღვეო კომპანია იმედი L-ში ჯანმრთელობის ინდივიდუალური დაზღვევა — უნოს პროდუქტები განახლდა და მნიშვნელოვნად გაუმჯობესდა. ცვლილებები კომპანიის სტრატეგიული ხედვის ნაწილია, რომლის მთავარი პრიორიტეტიც მომხმარებლის საჭიროებებსა და რეალურ მოლოდინებზე მორგებული სადაზღვევო პროდუქტების შექმნაა.

ინდივიდუალური დაზღვევა — უნოს განახლებული პროდუქტები უფრო მეტად პასუხობს მომხმარებლების ყოველდღიურ საჭიროებებს და მათთვის მნიშვნელოვან სერვისებზე ხელმისაწვდომობას აუმჯობესებს. როგორც იმედი L-ში ამბობენ, ცვლილებების პროცესში განსაკუთრებული ყურადღება დაეთმო მომხმარებლის გამოცდილების ანალიზს, სურვილებისა და უკუკავშირის გათვალისწინებას. განახლებული პროდუქტები მიზნად ისახავს მომხმარებლებისთვის უფრო მოქნილი, კომფორტული და თანამედროვე სადაზღვევო გამოცდილების შექმნას.

„გაუმჯობესებულ პროდუქტში გაჩნდა სერვისი, რომლის ფარგლებშიც, მიუხედავად იმისა, დიაგნოზი ან დაავადება გამონაკლისებს შორის არის თუ არა, მომხმარებელს შეუძლია ულიმიტოდ, 50%-იანი თანადაფინანსებით მიიღოს მომსახურება სხვადასხვა კლინიკაში. ამას არ სჭირდება ექიმის დანიშნულება — მაგალითად, ნებისმიერი კვლევის ჩატარება წამყვან ლაბორატორიულ კლინიკებში მხოლოდ პოლისის წარდგენითაა შესაძლებელი.

მნიშვნელოვანია, რომ გაიზარდა დაფინანსების ლიმიტები და თანაგადახდის პროცენტები, ხოლო მრავალ დაგეგმილ სამედიცინო სერვისს მოეხსნა მოცდის პერიოდი, რის გამოც პროდუქტი კიდევ უფრო მიმზიდველი გახდა“, — ამბობს ნათია ანასტასიადი, იმედი L-ის არასამედიცინო და საცალო გაყიდვების დირექტორი.

მომხმარებლების ინტერესებისა და საჭიროებების უკეთ შესასწავლად, იმედი L-მა გააანალიზა სხვადასხვა ციფრულ არხში დაფიქსირებული მომხმარებელთა შეკითხვები, მოთხოვნები და უკუკავშირი, მათ შორის AI ასისტენტთან განხორციელებული კომუნიკაციაც.

მიღებული მონაცემების დამუშავებამ კომპანიას საშუალება მისცა, უფრო ზუსტად დაენახა მომხმარებლების მოლოდინები, ქცევის თავისებურებები და ის საკითხები, რომლებიც მათთვის ყველაზე მნიშვნელოვანია.

„სხვადასხვა ციფრულ არხში, მათ შორის AI ასისტენტის დახმარებით დაფიქსირებული შეკითხვებისა და მოთხოვნების ანალიზმა დაგვანახა, თუ რომელი სერვისები და პირობები იყო მომხმარებლებისთვის განსაკუთრებით მნიშვნელოვანი და რომელ მიმართულებებში ელოდნენ გაუმჯობესებებს. სწორედ ამ რეალური მონაცემებისა და მომხმარებელთა საჭიროებების საფუძველზე განვაახლეთ უნოს პროდუქტები. ჩვენ შევძელით დიდი მოცულობის ინფორმაციის სწრაფად დამუშავება და მომხმარებელთა ქცევისა თუ პრიორიტეტების უფრო ზუსტად დანახვა. ანალიზის შედეგად გამოიკვეთა კონკრეტული მიმართულებები, სადაც მომხმარებლები დამატებით გაუმჯობესებებს ელოდნენ. სწორედ ამ მონაცემებისა და მომხმარებელთა რეალური მოთხოვნების გათვალისწინებით განახლდა უნოს პროდუქტები და დაინერგა ისეთი ცვლილებები, რომელთა შედეგად სერვისისგან მიღებული გამოცდილება კიდევ უფრო კომფორტული და პრაქტიკული ხდება. ჩვენთვის მნიშვნელოვანია, რომ დაზღვევა იყოს მაქსიმალურად მორგებული მომხმარებელზე. სწორედ ეს არის ნებისმიერი ცვლილების საფუძველი“, — ამბობს ნინა იანკოვსკაია, იმედი L-ის მარკეტინგისა და კომუნიკაციების დირექტორი.

დეტალური ინფორმაცია პროდუქტის შესახებ შეგიძლიათ იხილოთ ბმულზე.