მოკლედ: საქართველოს პარლამენტის თავმჯდომარემ, შალვა პაპუაშვილმა, ე.წ ოფშორების კანონს ხელი მოაწერა.

  • კანონი ძალაში შევიდა და საქართველოს საკანონმდებლო მაცნეში გამოქვეყნდა.

წინაისტორია: პარლამენტმა, საგადასახადო კოდექსში ცვლილება, რომელიც ოფშორიდან აქტივების გადმომტანის დაბეგვრისგან გათავისუფლებასაც ითვალისწინებს, 19 აპრილს მიიღო.

3 მაისს, საქართველოს პრეზიდენტმა სალომე ზურაბიშვილმა ე.წ ოფშორების კანონს ვეტო დაადო და მოტივირებული შენიშვნებით პარლამენტს დაუბრუნა.

  • 20 მაისს, პარლამენტის საფინანსო-საბიუჯეტო კომიტეტმა ოფშორების კანონზე პრეზიდენტის მოტივირებულ შენიშვნებს მხარი არ დაუჭირა.

29 მაისს, საპარლამენტო უმრავლესობამ, პრეზიდენტ სალომე ზურაბიშვილის ვეტო ე.წ ოფშორების კანონზე, დაძლია.

  • პრეზიდენტის მოტივირებულ შენიშვნებს ჰყავდა 1 მომხრე, წინააღმდეგი იყო 64 დეპუტატი.
  • კანონის თავდაპირველ ვერსიას მხარი დაუჭირა 83-მა დეპუტატმა, 1-ის წინააღმდეგ.

ოპოზიცია ამბობს, რომ კანონპროექტში გაწერილი პირობები მიესადაგება კონკრეტულად ბიძინა ივანიშვილს.

  • ოპოზიციონერი დეპუტატის, რომან გოცირიძის თქმით, ე.წ ოფშორების კანონი არის "ბიძინა ივანიშვილის ოფშორში განთავსებული აქტივების, აქციების, წილების, ქონების საქართველოში დაუბეგრავად გადმოტანის შესახებ".

ამ თემაზე: ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე

გარდა ამისა, საერთაშორისო გამჭვირვალობა — საქართველო (TI) ვარაუდობს, რომ საგადასახადო კოდექსში ოფშორებთან დაკავშირებული ცვლილებების დაჩქარებული წესით მიღების მიზეზი ბიძინა ივანიშვილის ინტერესებია.

  • ორგანიზაცია აღნიშნავს, რომ ამასთან ერთად, ეს ცვლილებები გაზრდის საქართველოში კრიმინალური და რუსული წარმომავლობის კაპიტალის შემოდინების რისკს.

გაიგე მეტი: ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI