პარლამენტმა ე.წ ოფშორების კანონზე, პრეზიდენტის ვეტო დაძლია — კანონი 83 ხმით 1-ის წინააღმდეგ მიღებულია
![](http://monica.on.ge/2023/03/10/p.jpg)
ფოტო: ლანა როყვა / On.ge
მოკლედ: დღეს, 29 მაისს, საპარლამენტო უმრავლესობამ, პრეზიდენტ სალომე ზურაბიშვილის ვეტო ე.წ ოფშორების კანონზე, დაძლია.
- პრეზიდენტის მოტივირებულ შენიშვნებს ჰყავდა 1 მომხრე, წინააღმდეგი იყო 64 დეპუტატი.
- კანონის თავდაპირველ ვერსიას მხარი დაუჭირა 83-მა დეპუტატმა, 1-ის წინააღმდეგ.
დეტალები: 3 მაისს, საქართველოს პრეზიდენტმა სალომე ზურაბიშვილმა ე.წ ოფშორების კანონს ვეტო დაადო და მოტივირებული შენიშვნებით პარლამენტს დაუბრუნა.
- 20 მაისს, პარლამენტის საფინანსო-საბიუჯეტო კომიტეტმა ოფშორების კანონზე პრეზიდენტის მოტივირებულ შენიშვნებს მხარი არ დაუჭირა.
პარლამენტმა, საგადასახადო კოდექსში ცვლილება, რომელიც ოფშორიდან აქტივების გადმომტანის დაბეგვრისგან გათავისუფლებასაც ითვალისწინებს, 19 აპრილს მიიღო.
ოპოზიცია ამბობს, რომ კანონპროექტში გაწერილი პირობები მიესადაგება კონკრეტულად ბიძინა ივანიშვილს.
- ოპოზიციონერი დეპუტატის, რომან გოცირიძის თქმით, ე.წ ოფშორების კანონი არის "ბიძინა ივანიშვილის ოფშორში განთავსებული აქტივების, აქციების, წილების, ქონების საქართველოში დაუბეგრავად გადმოტანის შესახებ".
გარდა ამისა, საერთაშორისო გამჭვირვალობა — საქართველო (TI) ვარაუდობს, რომ საგადასახადო კოდექსში ოფშორებთან დაკავშირებული ცვლილებების დაჩქარებული წესით მიღების მიზეზი ბიძინა ივანიშვილის ინტერესებია.
- ორგანიზაცია აღნიშნავს, რომ ამასთან ერთად, ეს ცვლილებები გაზრდის საქართველოში კრიმინალური და რუსული წარმომავლობის კაპიტალის შემოდინების რისკს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები