მოკლედ: საქართველოს პრეზიდენტმა სალომე ზურაბიშვილმა ე.წ ოფშორების კანონს ვეტო დაადო და მოტივირებული შენიშვნებით პარლამენტს დაუბრუნა.

  • ინფორმაციას პრეზიდენტის ადმინისტრაცია ავრცელებს.

დეტალები: პარლამენტმა, საგადასახადო კოდექსში ცვლილება, რომელიც ოფშორიდან აქტივების გადმომტანის დაბეგვრისგან გათავისუფლებასაც ითვალისწინებს, 19 აპრილს მიიღო.

  • კანონპროექტი პარლამენტმა დაჩქარებული წესით განიხილა და დაამტკიცა.
  • კანონპროექტს მხარი დაუჭირა 73-მა დეპუტატმა, წინააღმდეგი იყო 9.

ოპოზიცია ამბობს, რომ კანონპროექტში გაწერილი პირობები მიესადაგება კონკრეტულად ბიძინა ივანიშვილს.

  • ოპოზიციონერი დეპუტატის, რომან გოცირიძის თქმით, ე.წ ოფშორების კანონი არის "ბიძინა ივანიშვილის ოფშორში განთავსებული აქტივების, აქციების, წილების, ქონების საქართველოში დაუბეგრავად გადმოტანის შესახებ".

გაიგე მეტი: ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე

გარდა ამისა, საერთაშორისო გამჭვირვალობა — საქართველო (TI) ვარაუდობს, რომ საგადასახადო კოდექსში ოფშორებთან დაკავშირებული ცვლილებების დაჩქარებული წესით მიღების მიზეზი ბიძინა ივანიშვილის ინტერესებია.

  • ორგანიზაცია აღნიშნავს, რომ ამასთან ერთად, ეს ცვლილებები გაზრდის საქართველოში კრიმინალური და რუსული წარმომავლობის კაპიტალის შემოდინების რისკს.

ასევე, წაიკითხეთ: ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI