იაპონიის კოსმოსურმა სააგენტომ, JAXA-მ, ქვეყნის განათლების, კულტურის, სპორტის, მეცნიერებისა და ტექნოლოგიის სამინისტროს ამბიციური წინადადება შესთავაზა.

მას უნდა, რომ 2030 წლისთვის მთვარეზე გაფრინდეს და ადამიანი დასვას.

სააგენტო ან პირდაპირ ეჯიბრება ჩინეთს (რომელსაც უნდა, რომ იგივე 2036 წლისთვის გააკეთოს), ან მასთან ერთად გეგმავს მუშაობას, რათა თავიანთ იდენტურ მიზნებს ერთდროულად მიაღწიონ. JAXA-ს წარმომადგენელმა CNN-ს განუცხადა, რომ გეგმის მიზანია, იაპონია იყოს მულტინაციონალური პილოტირებული მთვარის ხომალდის ერთ-ერთი შემქმნელი. აქედან გამომდინარე, ზემოთ ჩამოთვლილი ორი სავარაუდო მიზნიდან, მეორე უფრო დამაჯერებელია. თუ მისიაში მონაწილეობას მხოლოდ იაპონია მიიღებს, სააგენტოს ძალიან ძვირი დაუჯდება.

ეს უპილოტო მულტინაციონალური მისია მომზადებას 2025 წლისთვის დაიწყებს. არ დაგავიწყდეთ, რომ იაპონიას გარანტირებული „ბილეთები“ ჯერ არ აქვს, მაგრამ იმედოვნებენ, რომ პროექტში წვლილის შეტანით მიიღებენ. JAXA უფრო მეტ დეტალს კოსმოსის კვლევაზე იაპონიის საერთაშორისო კოსმოსური კვლევის ფორუმზე, 2018 წლის მარტში გაამჟღავნებს.

გარდა ასტრონავტების ჩვენი პლანეტის ბუნებრივ თანამგზავრზე გაგზავნისა, ჩინეთს უნდა, რომ 2018 წელს მთვარის ბნელი მხარე გამოიკვლიოს. 2016 წელს ინდოეთმა წარმატებით გატესტა მისი პირველი მრავალჯერადი კოსმოსური შატლი და 104 თანამგზავრის ერთად გაშვებით რეკორდი მოხსნა.