ჯასტინ ბალდონისა და ბლეიკ ლაივლის გახმაურებული სასამართლო დავა ისევ გრძელდება. ლაივლის ადვოკატთა გუნდმა ხუთშაბათს კალიფორნიის სასამართლოს ბალდონის $400 მილიონიანი ცილისწამების სარჩელის გაუქმების მოთხოვნით მიმართა. ადვოკატების მტკიცებით, ბალდონი ამ სარჩელით ბლეიკ ლაივლიზე შურისძიებას ცდილობს, რადგან მსახიობმა კაცს სექსუალურ შევიწროებაში დასდო ბრალი.

ადვოკატების მიერ შეტანილ დოკუმენტში ლაივლის ადვოკატებმა კალიფორნიის კანონი დაირწმუნეს, რომელიც სექსუალურ შევიწროებაში ბრალმდებელს იცავს. ეს კანონი ძალაში 2023 წელს შევიდა, მას შემდე, რაც #MeToo მოძრაობაში მონაწილეობის მიმღებ ქალებს მათზე ძალადობაში ბრალდებული კაცები ცილისწამებაზე უჩიოდნენ. ლაივლის ადვოკატები ამბობენ, რომ ამ კანონის მიხედვით, საქმის დასრულების შემდეგ ქალის იურიდიული მომსახურების ანაზღაურება ბალდონის უნდა დაეკისროს.

ფოტო: BBC

ლაივლი უჩივის ბალდონის, მის პუბლიცისტებსა და It Ends With Us-ის პროდიუსერებს — ფილმის, სადაც ბალდონი და ლაივლი წყვილის როლს ასრულებენ. მისი მტკიცებით, ამ პირებმა ერთად შეიმუშავეს მისი რეპუტაციის შემლახველი გეგმა მას შემდეგ, რაც ლაივლიმ ფილმის გადასაღებ მოედანზე სექსუალურ შევიწროებაზე ხმამაღლა დაიწყო საუბარი. ბალდონიმ შემდგომში ბლეიკ ლაივლის და მის ქმარს, რაიან რეინოლდსს, უჩივლა, რადგან, მისი სარჩელის მიხედვით, ისინი ყალბი ბრალდებებით მისი კარიერის განადგურებას ისახავდნენ მიზნად.

ლაივლის ადვოკატებმა, მაიკ გოტლიბმა და ესრა ჰადსონმა, ხუთშაბათს განცხადება გაავრცელეს, სადაც ამბობენ, რომ ბალდონის მიერ შეტანილი სარჩელი ცილისწამების შესახებ "იურიდიული პროცესის აბუჩად აგდებაა".

"მტკივნეული რეალობა ისაა, რომ ბლეიკ ლაივლი არაა ერთადერთი ქალი, რომელსაც ცილისწამების გამო უჩივიან მას შემდეგ, რაც სამსახურში სექსუალურ შევიწროებაზე ხმა ამოიღო. საკუთარი უფლებების დაცვის პროცესში ლაივლის დიდი ზიანი მიადგა, თუმცა მნიშვნელოვანია, ყველა მსხვერპლმა იცოდეს, რომ მათაც შეუძლიათ თავის დასაცავად ზომების მიღება, მაგალითად, არსებობს სპეციფიკური კანონი, რომელიც მათ იცავს მოძალადეების მიერ ცილისწამებაზე შეტანილი სარჩელისგან, იძულებითი გაჩუმებისა და ფინანსური ზარალისგან," — ვკითხულობთ განცხადებაში.

იხილეთ ასევე: