წარმოიდგინეთ: თვეების დაგეგმვის, სასტუმროს არჩევისა და ავიაბილეთების შეძენის შემდეგ, თქვენ, როგორც იქნა, წახვედით სამოგზაუროდ. თუმცა, გაწერილი გეგმის შესრულებასა და სანუკვარი არდადეგებით სიამოვნებაში ნატკენი მუხლიგიშლით ხელს.

მოგზაურობა სავსეა მოულოდნელობებით — ზოგი სასიამოვნოა, ზოგი კი შეიძლება ნამდვილი თავსატეხი გახდეს. სწორედ ამიტომ, სამოგზაურო დაზღვევა არ არის უბრალო ფორმალობა, ის უსაფრთხოების სისტემაა, რომელიც გიცავთ გაუთვალისწინებელი შემთხვევების დროს.

დაკარგული ბარგი, ჯანმრთელობის პრობლემები უცხო ქვეყანაში — ეს მხოლოდ რამდენიმე სცენარია, როცა სწორად შერჩეული დაზღვევა შესაძლოა თქვენთვის გადამწყვეტი აუცილებლობა აღმოჩნდეს. მაგრამ მაინც, ბევრ მოგზაურს უჩნდება კითხვა: "ნამდვილად მჭირდება სამოგზაურო დაზღვევა?"

პასუხი მარტივია — თუ მშვიდი და სასიამოვნო მოგზაურობა გსურთ, დაზღვევა თქვენი საუკეთესო მოკავშირეა. მაგრამ როგორ მუშაობს ის რეალურად და რა რისკებისგან გვიცავს?

განვიხილოთ უფრო დეტალურად:

სამოგზაურო დაზღვევა — ფასი და სერვისები

სამოგზაურო დაზღვევის ღირებულება ბევრ ფაქტორზეა დამოკიდებული. პირველ რიგში, ფასი განისაზღვრება მოგზაურობის ხანგრძლივობით — რაც მეტი დროის გატარებას აპირებთ საზღვარგარეთ, მით უფრო მაღალია დაზღვევის საფასური. ზოგიერთი კომპანიისთვის მნიშვნელოვანია მიმართულებაც — არის ქვეყნები, რომლებიც უფრო ძვირად ღირებული სამედიცინო მომსახურებით გამოირჩევა, რაც შესაძლებელია, აისახოს პოლისის ღირებულებაზე. ასევე, გასათვალისწინებელია დასაზღვევი პირის ასაკიც — პოლისის საბოლოო ღირებულებაზე ესეც ახდენს გავლენას. სწორედ ამიტომ, მომხმარებლების მიერ ხშირად დასმულ კითხვაზე, რა ღირს სამოგზაურო დაზღვევა, შეიძლება პასუხი მრავალგვარი იყოს.

ქართულ ბაზარზე ლიდერი სადაზღვევო კომპანია ირაო მოგზაურობის მოყვარულებს რამდენიმე განსხვავებულ პაკეტს სთავაზობს.

მაგალითად, ირაო ერთჯერადი სამოგზაურო დაზღვევის მოქნილ ვარიანტებს გვთავაზობს, რაც თითოეული მგზავრის საჭიროებებზეა მორგებული. თუ ხანმოკლე მოგზაურობას გეგმავთ, დაზღვევის ყველაზე ხელმისაწვდომი ვარიანტი გამოგადგებათ — მისი ღირებულება მინიმალურია, მაგრამ უზრუნველყოფს მნიშვნელოვან ხარჯებს. რაც მთავარია, თავად აირჩევთ სასურველი დღეების რაოდენობასაც.

მათთვის, ვისაც საზღვარგარეთ წელიწადში რამდენჯერმე უწევს გამგზავრება, არსებობს გრძელვადიანი პოლისი “მულტიპოლისი“. ის საშუალებას გაძლევთ, ერთი ხელშეკრულებით 6 თვის ან მთელი წლის განმავლობაში დაცული იყოთ. ეს სამოგზაურო დაზღვევა განსაკუთრებით მოსახერხებელია, რადგან არ დაგჭირდებათ ყოველი მგზავრობის წინ ახალი პოლისის შეძენა. მისი შეძენის შემთხვევაში დაზღვეული დღეების ფიქსირებული რაოდენობა გინარჩუნდებათ მთელი წლის, ან 6 თვის განმავლობაში.

თუკი საზღვარგარეთ მოგზაურობა ხშირად გიწევთ მოკლევადიანი ვიზიტებით (თითოეული ვიზიტი არაუმეტეს 15 დღისა), შესაძლოა, თქვენთვის საუკეთესო ვარიანტი დაზღვევა — “მოგზაური“ იყოს. ამ პაკეტით სამოგზაურო დღეების განუსაზღვრელ რაოდენობას ყიდულობთ.

და ბოლოს, თუ ქვეყნის შიგნით მოგზაურობთ, შეგიძლიათ, სპეციალური შიდა ტურის დაზღვევით ისარგებლოთ. ეს ვარიანტი იდეალურია მათთვის, ვინც ადგილობრივ თავგადასავლებს ეძებს და სურს, მოულოდნელი უსიამოვნო შემთხვევების დროს ფინანსურად დაცული იყოს.

არა აქვს მნიშვნელობა — სად და რამდენი ხნით მიემგზავრებით, სამოგზაურო დაზღვევა თქვენი სიმშვიდისა და უსაფრთხოების გარანტიაა. ირაოს სხვადასხვა პაკეტი საშუალებას გაძლევთ, თქვენი გეგმებისთვის შესაბამისი პაკეტი შეარჩიოთ და მოგზაურობა მხოლოდ სასიამოვნო გამოცდილებად აქციოთ.

როგორ შევიძინოთ სამოგზაურო დაზღვევა — ონლაინ თუ ოფისში მისვლით?

თანამედროვე ცხოვრების წესიდან გამომდინარე, მნიშვნელოვანია ისიც, რომ სადაზღვევო სერვისით სარგებლობა დამატებითი ბიუროკრატიის გარეშე შეძლოთ. სწორედ ამიტომ, სამოგზაურო დაზღვევა ონლაინ შეძენით ხშირად უფრო კომფორტულია. თუმცა, არსებობს კომპანიები, სადაც შესაძლოა, მაინც მოგიწიოთ მისვლა.

სადაზღვევო კომპანია ირაოში შეგიძლიათ, სამოგზაურო დაზღვევა ონლაინ შეიძინოთ და ამით მნიშვნელოვნად დაზოგოთ დრო. განსაკუთრებული შემთხვევებისა და აუცილებლობისას შეგიძლიათ ისარგებლოთ პოლისის ოფისიდან გაცემის სერვისითაც, თუმცა, თანამედროვე ცხოვრების ტემპის გათვალისწინებით, მომხმარებლების უმრავლესობას სწორედ ონლაინ შეძენა ურჩევნია.

ირაოში, გარდა იმისა, რომ პოლისის ყიდვა მათივე ვებგვერდზე თავად შეგიძლიათ, კიდევ ერთი გზა არსებობს — დაუკავშირდეთ კომპანიას და გაყიდვების მენეჯერმა დისტანციურად დაგიმზადოთ თქვენთვის სასურველი სადაზღვევო პოლისი.

ონლაინ შეძენისთვის საკმარისია, კომპანიის ოფიციალურ ვებსაიტზე irao.ge-ზე გადასვლა, საინფორმაციო კითხვარის შევსება და რამდენიმე წუთში პოლისსაც მიიღებთ! ასევე, გაითვალისწინეთ — სამგზავრო დაზღვევა აუცილებლად ქვეყნიდან გასვლამდე უნდა შეიძინოთ.

რატომ არ უნდა ვიმოგზაუროთ საზღვარგარეთ დაზღვევის გარეშე?

საზღვარგარეთ სამედიცინო მომსახურება ხშირად გაცილებით ძვირია, ვიდრე საქართველოში. მარტივი სამედიცინო ჩარევაც კი, შესაძლოა ათასობით დოლარი ან ევრო დაგიჯდეთ. ანუ, თუ მოგზაურობისას ავად გახდით ან შემთხვევით სერიოზული ტრავმა მიიღეთ, სამედიცინო ხარჯების ანაზღაურება არ არის გამორიცხული მოგზაურობის ბიუჯეტს ბევრად აღემატებოდეს. დაზღვევის გარეშე ეს ყველაფერი თქვენს ფინანსურ პასუხისმგებლობად რჩება.

ირაოში სამოგზაურო დაზღვევის შეძენისას დეკუთვნით ასისტენტის მომსახურებაც. თუკი საზღვარგარეთ ყოფნისას სადაზღვევო მომსახურება დაგჭირდებათ, შეგიძლიათ, ქართულენოვანი Geoassistance-ის სერვისით ისარგებლოთ. დაკავშირება შესაძლებელია სხვადასხვა აპლიკაციის, მათ შორის Whatsapp-ითა და Viber-ით (რადგან სტანდარტულ ნომერზე დარეკვა უცხოეთიდან შესაძლოა, გართულდეს), ასევე მეილის ან საიტზე არსებული ჩათის მეშვეობით.

სწორედ ამიტომ, ირაოს სამოგზაურო დაზღვევა იდეალური გადაწყვეტაა მოგზაურთათვის. კომპანია გთავაზობთ როგორც ერთჯერად პაკეტს, როცა დღეების რაოდენობის მიხედვით იხდით საფასურს, ისე “მულტიპოლისსა“ და პაკეტ “მოგზაურს“ - ეს პოლისები განსაკუთრებით მათთვისაა მნიშვნელოვანი, ვინც საზღვარგარეთ წელიწადში რამდენჯერმე ან ხანგრძლივი დროით იმყოფება.