სერბეთის ვიცე-პრემიერმა ალექსანდრე ვულინმა მადლობა გადაუხადა რუსეთის სპეცსამსახურებს ქვეყანაში მიმდინარე მასობრივი საპროტესტო აქციების შესახებ ინფორმაციისთვის. ბატონმა ვულინმა გაიხსენა, რომ რუსეთსა და სერბეთს შორის არსებობს შეთანხმება ფერადი რევოლუციების წინააღმდეგ ბრძოლაში თანამშრომლობის შესახებ.

"ძალიან მადლობელი ვარ რუსეთის სპეცსამსახურების, რომლებიც ყოველთვის გვეხმარებიან ფერადი რევოლუციების წინააღმდეგ ბრძოლაში, უპირველეს ყოვლისა, ინფორმაციის საშუალებით. მათ იციან რა საფრთხე ელის სერბეთს. ჩვენ გვაქვს ძალიან კარგი კომუნიკაცია და მე ძალიან მადლობელი ვარ ამისთვის", — აცხადებს ვულინმა რუსულ მედიასთან.

მასობრივი საპროტესტო გამოსვლები სერბეთში 2024 წლის ნოემბერში დაიწყო, მას შემდეგ რაც ნოვი სადში, რკინიგზის სადგურზე 15 ადამიანი ბეტონის ჩამონგრევის შედეგად დაიღუპა. აქტივისტები ტრაგედიაში დამნაშავეების პასუხისგებაში მიცემას ითხოვდნენ. 15 მარტს ბელგრადში ბოლო ათწლეულის განმავლობაში ქვეყანაში ყველაზე მასშტაბური აქცია გაიმართა, რომელშიც 100 000-დან 300 000-მდე ადამიანი მონაწილეობდა. მანამდე ხელისუფლებამ დემონსტრაციას მოსალოდნელი ფერადი რევოლუცია უწოდა.

სერბეთის მთავრობა გადადგა — ქვეყანაში ახალი არჩევნები შესაძლოა ივნისში ჩატარდეს

15 მარტს საპროტესტო აქციაზე ბელგრადში 300 000-მეტი ადამიანი გამოვიდა — ვუჩიჩი აცხადებს, რომ სერბეთში აქციები საზღვარგარეთიდან იმართება

სერბმა სტუდენტებმა, პროტესტის არასათანადოდ გაშუქების გამო, საზოგადოებრივი მაუწყებლის შენობის შესასვლელები გადაკეტეს