საქართველოს ბანკის ბიზნეს მომხმარებლების მხარდაჭერას განაგრძობს. ამჯერად, შეთავაზებების პლატფორმა — Ads მენეჯერს ახალი ფუნქციონალი დაემატა. ეს არის მომხმარებლებისთვის შესათავაზებელი ფოტოების მარაგი. პლატფორმა ბიზნეს მომხმარებლებს, საქართველოს ბანკის 1 500 000-ზე მეტ ციფრულ მომხმარებელს შესაძლებლობას აძლევს, საკუთარი პროდუქტი, თუ სერვისი სრულიად უფასოდ გააცნოს და ამით გაყიდვები გაზარდოს.

აღნიშნული სიახლის მეშვეობით ბიზნეს მომხმარებლებს, რომლებსაც საკუთარი ბიზნესის ამსახველი ფოტოები არა აქვთ, შეუძლიათ Ads მენეჯერში არსებული ფოტო მარაგიდან შეარჩიონ სასურველი ვიზუალი. ამისთვის მათ შეთავაზების შექმნის პროცესში საძიებო ველში ინგლისურად უნდა ჩაწერონ სიტყვა, რომელიც მათი ბიზნესის საქმიანობას გამოხატავს, რის შემდეგაც რელევანტური ფოტოები გამოჩნდება. შემდეგ კი, ისინი შეძლებენ სასურველი ვიზუალის არჩევასა და გამოყენებას. აღსანიშნავია, რომ არჩეულ ფოტოს შეთავაზების დასრულებამდე მხოლოდ ერთი ბიზნესი გამოიყენებს და მომხმარებლებს მსგავსი ვიზუალით სხვა შეთავაზება არ შეხვდებათ.

თუ ხართ კომპანიის დირექტორი, შეთავაზების შექმნისთვის ეწვიეთ manager.bog.ge-ს, სადაც ავტორიზაციას იმ სახელითა და პაროლით შეძლებთ, რომლითაც ბიზნეს მობილბანკში/ინტერნეტბანკში ხართ დარეგისტრირებული და ფიზიკური პირის მობილბანკში სარგებლობთ. ხოლო თუ მარკეტერი ხართ, ამ შემთხვევაში დირექტორმა უნდა გაგიწეროთ შესაბამისი როლი/წვდომა.

შეთავაზების შექმნის ინსტრუქცია ნახეთ აქ:

უფრო ვრცლად, Ads მენეჯერის გამოყენებაზე ბიზნესკურსის გასავლელად ეწვიეთ ბმულს.