ნანუკა ჟორჟოლიანი საქართველოს გენერალურ პროკურორს გიორგი გაბიტაშვილს მიმართავს, "ნანუკას ფონდს" მოხსნას ყადაღა, აღნიშნული თანხა კი მხოლოდ სოციალურად დაუცველ ადამიანებს და ბავშვებს მოხმარდება, რომლებიც სიცოცხლისთვის იბრძვიან.

"ვიცი პროკურატურიდან, რომ ახლა ემზადებიან, წამიყენონ ახალი ბრალი რაღაც დარღვევებზე. ყველაფრისთვის მზად ვარ, ამას გიცვლით ერთადერთ თხოვნაში - თანხას ყადაღა მოხსნათ და ამ ფონდმა გააგრძელოს ის, რისთვისაც შეიქმნა. მიუხედავად იმისა, რომ წესდებით ამის უფლება მქონდა, დავხმარებოდი პატიმრებს, გავმიჯნავ და ეს ფონდი გამოყენებული იქნება ბავშვებისთვის, სოციალური პრობლემების მოგვარებისთვის. აქვე უნდა ვთქვა, რომ პატიმრები აუცილებლად მიიღებენ ყოველ თვე იმ თანხას, რაც აუცილებელია მათი არსებობისთვის, რთული ყოფის შემსუბუქებისთვის. ველოდები გაბიტაშვილს, მინდა იცოდეს, რომ დღეიდან საქმე მხოლოდ მასთან მაქვს", — აცხადებს ნანუკა ჟორჟოლიანი..

შეგახსენებთ, რომ 17 მარტს, საქართველოს პროკურატურამ სასამართლოს განჩინების საფუძველზე დააყადაღა: "ნანუკას ფონდის", "ფროსფერითის", "ფონდი ერთმანეთისთვის 24/7-ის", "სირცხვილიას" და "თბილისის ადამიანის უფლებათა სახლის" საბანკო ანგარიშები და მათზე არსებული ფულადი სახსრები დააყადაღა.

აღნიშნული ფონდები აქციებზე დაჯარიმებულ, დაკავებულ პირებს ეხმარებოდნენ, ასევე ფინანსურად ეხმარებოდნენ დაკავებულთა ოჯახებს.

პროკურატურის განცხადებაში ვკითხულობთ, რომ აღნიშნული ფონდები დამამძიმებელ გარემოებაში საბოტაჟის მცდელობის, უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზებისთვის დააყადაღეს. პროკურატურა პროევროპულ აქციებზე წერს, რომ ისინი "ძალადობრივი ხასიათსაა და გასცდა კანონით დადგენილ ფარგლებს".

მეტი სოლიდარობის ფონდების შესახებ:

თბილისის ადამიანის უფლებათა სახლი: როგორც პროკურატურის მიერ წარმოებული გამოძიება, ისე ყადაღის დადება უკანონოა

პროკურორი ლაშა კოტრიკაძე, რომლის მიმართვის საფუძველზეც მოსამართლემ 5 ფონდის დაყადაღების განჩინება გასცა, პირველ კომენტარს აკეთებს

SJC: ფონდების დაყადაღება პროტესტის დასჯისა და სამოქალაქო ორგანიზაციების დევნის კიდევ ერთი აგრესიული მცდელობაა

ნინო წილოსანი: ნანუკა ჟორჟოლიანის და სხვა დანაშაულებრივი ფონდები, კეთილშობილური მიზნის საფარქვეშ, რევოლუციას აორგანიზებდნენ

პროკურატურა: ფონდები მიღებული ფინანსური რესურსებით "ძალადობის წახალისებას" აფინანსებდნენ

ვატო შაქარაშვილი სოლიდარობის ფონდების დაყადაღებას გამოეხმაურა