ახალი ამბები On.ge

ქეთი ბეგიაშვილი

29 Apr. 2023, 16:39

ხალნო, 10 წელი ველოდი ამ მედიკამენტს და როდესაც აღიარა მსოფლიომ, მაშინ ყველაზე ბედნიერი დედა ვიყავი, მაგრამ ამავდროულად უბედური, რადგან ძალიან ძვირი ღირდა ეს მედიკამენტი. ეს ბრძოლა დავიწყე მშობლებთან ერთად, მაგრამ 13 წლამდე მოვედი მარტო. 

დედას ვფიცავ, ყველგან ვეძებდით მსგავსი დიაგნოზის ხალხს, ვერსად ვპოულობდი. ვიღაცას მინდოდა ეთქვა ერთი სიტყვაც საიმედო, მაგრამ არავინ არ მეუბნებოდა. მაგრამ ვიბრძოდი ზაკოსთან ერთად. 

ზაკომ მე გამზარდა, ზაკო მე მიცავს დღეს ხალხისგან, ბულინგისგან. ქუჩაში როდესაც მივდივართ, ზაკო მე მიყურებს და ხალხზე მეუბნება, დედა დაიკიდეო. გამოვიყენებ ამ სიტყვებს. 

დიახ, ბატონები, ქალბატონებო, არა, ვერ დავიკიდებ. ზაკოს დიაგნოზს ვერ დავიკიდებ. მე ვერ მივალ სახლში წამლის გარეშე. იცით რატომ? მე ზაკოს შევპირდი წლების წინ, როცა 8 წლის ასაკში მითხრა... მაპატიე დედა, უნდა ვთქვა — რატომ არ ვიზრდებიო. მაშინ შევპირდი გაიზრდები-მეთქი, მაშინ შევპირდი, ყველაფერს გავაკეთებ-მეთქი. მე რომ დღეს წამლის გარეშე მივიდე, ზაკო დაიჯერებს, როგორც პრემიერმა თქვა იტყუებიანო, რომ მატყუარა დედა ჰყავს. არ ჰყავს ზაკოს მატყუარა დედა. არ არის მისი დედა მარტო. 

მე მმართავს ჩემი შვილი. მე ჩემი შვილის პარტიის თავმჯდომარე ვარ, მე ამის სიყვარული მმართავს, როგორ შეიძლება, მე ვინმემ მმართოს. ჩემო მეგობრებო, მე არ ვართ მარტო, მე მყავს გუნდი, ვისაც სათითაოდ ვწერ, ხომ არ მიმატოვებთ-მეთქი, ისინი მე მწერენ. სულ რამდენიმე ვართ.

განაცხადა აქონდროპლაზიის დიაგნოზის მქონე ბავშვის მშობელმა აქციაზე სიტყვით გამოსვლისას. მშობლებს რამდენიმე დღეა უწყვეტი პროტესტი აქვთ, კანცელარიასთან ათენებენ ღამეს და ბავშვებისთვის წამლის დაფინანსებას ითხოვენ, თუმცა მთავრობა უარზეა. 

0 0

კომენტარები

კვირის ტოპ-5

  1. იაპონელი მოგზაურს ქობულეთში ველოსიპედი მოჰპარეს, რომლითაც მსოფლიო შემოიარა
  2. მიტროპოლიტი ისაია: "ცუდად ხომ მაინც არ ჩაივლის ეს, განწირულის სულისკვეთება"
  3. შალვა ნათელაშვილი: პატრიარქის არჩევას ესწრება, ქვეყნის მთავარი ოკუპანტის, პრეზიდენტ პუტინის მთელი სპეცსამსახური
  4. ქვეყნის საეჭვო ვითარებაში დატოვების შემდეგ, ლევან დავითაშვილი იტალიური Italiana Petroli-ს აღმასრულებელ დირექტორი გახდა
  5. გარდაბანში ავარიას 7 პირი ემსხვერპლა, 1 — კლინიკაში გადაიყვანეს

გირჩევთ

ახლა კითხულობენ

გადახედვა

თბილისში კულტურული მემკვიდრეობის ძეგლებზე მერიის სარეაბილიტაციო სამუშაო ნებართვას მთავრობის ნაცვლად საკრებულო გასცემს — ახალი კანონპროექტი

პარლამენტმა "ლიცენზიების და ნებართვების შესახებ" კანონში ცვლილებები პირველი მოსმენით მიიღო. ცვლილებების მიხედვით,…