ევროპული არაფორმალური განათლება ქართულ ბანაკებში

თანამედროვე სამყაროში მშობლებისთვის ერთ-ერთი მთავარი გამოწვევა შვილებისთვის სწორი გარემოს პოვნაა. იქ, სადაც ინგლისური ენა მხოლოდ საგანი არ არის და სადაც სმარტფონებს რეალური თავგადასავლები ანაცვლებს. სწორედ ამ მისიით შეიქმნა ZigZag Summer Camps — ბექას სკოლის ახალი მიმართულება, რომელიც 13-16 წლის თინეიჯერებს სრულიად განსხვავებულ გამოცდილებას სთავაზობს.

რა ხდება მაშინ, როცა ინგლისური ენის სწავლების ლიდერები და საერთაშორისო საგანმანათლებლო პროექტების ექსპერტები ერთიანდებიან? ვესაუბრეთ პროექტის ავტორებს.

ნატალი, რატომ გადაწყვიტეთ ZigZag-ის შექმნა მაინცდამაინც ახლა?

ნატალი ქენქაძე — ბექას სკოლისა და მშვიდობისა და ინტეგრაციის საერთაშორისო ცენტრის (ICPI) თანადამფუძნებელი:

“ბოლო 15 წელია, მე და ჩემმა გუნდმა, ევროკავშირის მხარდაჭერით 100-ზე მეტი საერთაშორისო პროექტი განვახორციელეთ. ვნახეთ, როგორ ცვლის სწორად დაგეგმილი 7 დღე მოზარდის თვითშეფასებასა და მსოფლმხედველობას. სამწუხაროდ, დღეს უფასო საერთაშორისო შესაძლებლობები მცირდება, ჩვენ კი არ გვინდოდა ეს მრავალჯერ გამოცდილი მეთოდოლოგია დაკარგულიყო. ZigZag-ში ჩვენ ვეხმარებით თინეიჯერებს თვითგამორკვევაში. ვასწავლით, როგორ იყვნენ დამოუკიდებლები, როგორ მიიღონ ცხოვრებისგან მაქსიმუმი და აღმოაჩინონ საკუთარი სუპერძალები, თანაც ეს ყველაფერი ინგლისურად“.

ბექა, რითი განსხვავდება ZigZag სხვა ინგლისურენოვანი ბანაკებისგან?

ბექა ბერიკაშვილი — ბექას სკოლის თანადამფუძნებელი:

“მთავარი განსხვავება გარემოსა და აქტივობებშია. ჩვენთან ინგლისური არ არის მოსაწყენი გაკვეთილი, ის ურთიერთობის ერთადერთი საშუალებაა. Native Speaker მენტორებთან ერთად, ჩვენ ვქმნით Zero Judgment ზონას, სადაც მოზარდებს შეცდომის დაშვების აღარ ეშინიათ. სესიებზე ყურადღებას ვამახვილებთ მომავლის უნარებზე, კომუნიკაციის, ლიდერობის უნარებზე, პერსონალური ბრენდინგსა და კრიტიკულ აზროვნებაზე. ბანაკის ბოლოს მშობლები ხედავენ სრულიად სხვაგვარად თავდაჯერებულ შვილებს, რომლებიც ინგლისურად თავისუფლად გამოხატავენ აზრს.

ZigZag-ის საგანმანათლებლო ხარისხის გარანტია ბექას სკოლის მრავალწლიანი რეპუტაციაა. სკოლა, რომელიც Cambridge English-ის ოფიციალური საგანმანათლებლო პარტნიორია საქართველოში, 14,000-ზე მეტ ადამიანსა და 100-ზე მეტ კომპანიას დაეხმარა ენობრივი ბარიერის გადალახვაში. ეს გამოცდილება ნიშნავს, რომ ბანაკის ყოველი აქტივობა ეფუძნება საერთაშორისო სტანდარტებს, ხოლო Native Speaker მასწავლებლების ჩართულობა უზრუნველყოფს იმას, რომ მოზარდებმა ინგლისური ენა ბუნებრივ, ცოცხალ კონტექსტში აითვისონ”.

ანი, როგორც ახალგაზრდა სპეციალისტს, რა მიგაჩნიათ ბანაკის მთავარ ღირებულებად?

ანი კოხტაშვილი — ICPI-ის თანადამფუძნებელი:

“ჩემთვის ZigZag, პირველ რიგში, ადამიანური კავშირებია. მოზარდობის ასაკში ყველაზე მნიშვნელოვანია იმ სამეგობროს (Tribe) პოვნა, სადაც შენი ესმით. ჩვენ ვქმნით ემპათიურ, უსაფრთხო სივრცეს, რომლის ფარგლებშიც თითოეული ბავშვი თავს დაფასებულად გრძნობს. იმისთვის, რომ ყველა მონაწილეს ინდივიდუალური ყურადღება დავუთმოთ, ნაკადზე მხოლოდ 30 მონაწილეს ვიღებთ. ჩვენ არ ვასწავლით წიგნებიდან, ჩვენ ვასწავლით ემოციურ ინტელექტს, გუნდურობასა და ერთმანეთის მხარდაჭერას. ეს არის ის სოციალური კაპიტალი და ემოციები, რომელიც მათ მთელი ცხოვრება გაჰყვებათ“.

გოჩა, თქვენ Outdoor მიმართულებას ხელმძღვანელობთ. რას ნიშნავს ციფრული დეტოქსი პრაქტიკაში?

გოჩა გელაშვილი — ICPI-ის პროექტების მენეჯერი:

“ეს ნიშნავს, რომ სმარტფონების ნაცვლად ვირჩევთ რეალურ ემოციებს. ZigZag-ის პროგრამა ისეა აგებული, რომ მოზარდებს ეკრანები საერთოდ არ ახსენდებათ. ლაშქრობები, სტრატეგიული და გუნდური თამაშობები ბუნებაში, თვითგანვითარებაზე ორიენტირებული აქტივობები — ეს ყველაფერი მათ ეხმარებათ კომფორტის ზონიდან გამოსვლასა და რეალური პრობლემების გადაჭრაში. ბუნება საუკეთესო ადგილია იმისთვის, რომ ისწავლო საკუთარი თავის მართვა და გუნდური პასუხისმგებლობა“.

ZigZag Summer Camps ამ ზაფხულს ორ ნაკადს უმასპინძლებს:

• 13-19 ივლისი — მანგლისი (გარემოსდაცვითი განათლების ცენტრი)
• 1-7 სექტემბერი — ცემი (სასტუმრო განთიადი)

დეტალური ინფორმაცია შეგიძლიათ იხილოთ მშობლების გზამკვლევში ან პირდაპირ დარეგისტრირდეთ, რადგან ადგილები შეზღუდულია.

წარმატებებს ვუსურვებთ ბექას სკოლას ამ ახალ და ძალიან სასარგებლო წამოწყებაში!