რუსეთის საგარეო საქმეთა მინისტრმა ყოველწლიური კონფერენცია დღეს გამართა.

რატომ არის მნიშვნელოვანი: ოკუპანტი ქვეყნის დიპლომატი რუსეთის წარმოებულ ომში დასავლეთს ადანაშაულებს.

  • ლავროვის შეფასებით, აშშ და ევროპა "რუსეთის საკითხის გადასაჭრელად შეიკრიბა", ისევე, როგორც ადოლფ ჰიტლერი ცდილობდა "საბოლოო გამოსავალი" ეპოვა ევროპელი ებრაელების მიმართ.
  • მოსკოვში გამართულ პრესკონფერენციაზე სიტყვით გამოსვლისას, ლავროვმა კვლავ მოუწოდა ნატოს გაიტანოს თავისი სამხედრო ინფრასტრუქტურა უკრაინიდან და რუსეთის საზღვრებთან ახლოს მდებარე სხვა ქვეყნებიდან.

დეტალები: სერგეი ლავროვმა განაცხადა, რომ უკრაინაში ომის დასრულებასთან დაკავშირებული პრეზიდენტ ზელენსკის სამშვიდობო ფორმულა აბსურდულია.

  • "ზელენსკისთან მოლაპარაკებებზე საუბარი არ შეიძლება", — თქვა ლავროვმა.
  • რუსეთის საგარეო საქმეთა მინისტრის მტკიცებით, მოსკოვს ჯერ კიდევ არ მიუღია მნიშვნელოვანი სამშვიდობო წინადადება.
  • ლავროვმა თქვა, რომ მოსკოვი მზად არის განიხილოს კონფლიქტი დასავლეთის ქვეყნებთან და უპასუხოს ნებისმიერ "სერიოზულ" წინადადებას.

კონტექსტი: გასული წლის ნოემბერში, ვოლოდიმირ ზელენსკიმ 10-პუნქტიანი სამშვიდობო გეგმა გამოაქვეყნა, რომელიც მისი შეფასებით, შესაძლოა ნამდვილი მშვიდობის გარანტორი გახდეს.

  • სამშვიდობო გეგმა მოიცავს რადიაციულ და ბირთვულ უსაფრთხოებას, სურსათის უვნებლობას, ენერგეტიკულ უსაფრთხოებას.
  • ყველა პატიმრისა და დეპორტირებულის გათავისუფლებას, გაეროს წესდების განხორციელებას და უკრაინის ტერიტორიული მთლიანობისა და მსოფლიო წესრიგის აღდგენას.
  • გარდა ამისა, უკრაინიდან რუსული ჯარების გაყვანას, საომარი მოქმედებების შეწყვეტა და სამართლიანობის აღდგენას.
  • ასევე, ანტიეკოციდს, ესკალაციის პრევენციას და ომის დასრულების ფიქსაციას.