ამის შესახებ Reuters იაპონიის მთავრობასა და ჩრდილოეთ კორეის გაერთიანებულ შტაბზე დაყრდნობით იუწყება.

რატომ არის მნიშვნელოვანი: ეს მეექვსე რაკეტაა, რომელიც ჩრდილოეთ კორეამ ბოლო 12 დღის განმავლობაში გამოცადა.

  • New York Times-ის ცნობით, გასროლა გაერო-ს უშიშროების საბჭოს სხდომასა და აშშ-სამხრეთ კორეის ერთობლივ წვრთნებს მოჰყვა.
  • 4 ოქტომბერს, როცა ჩრდილოეთ კორეამ იაპონიის მიმართულებით 2017 წლის შემდეგ პირველი რაკეტა ისროლა, საერთაშორისო მედიაში ვარაუდები გაჩნდა, რომ ჩრდ. კორეა ბირთვულ არსენალს აფართოებს, რათა ის, საბოლოო ჯამში, აშშ-ზე ზეწოლისთვის გამოიყენოს.
  • გაერო ჩრდილოეთ კორეას ბალისტიკური და ბირთვული იარაღის გამოცდას უკრძალავს.
  • რაკეტების ფრენა სხვა ქვეყნების მიმართულებით ან მათ ცაზე საერთაშორისო ნორმებს ეწინააღმდეგება და უკიდურესად პროვოკაციულ ქმედებად ითვლება.

დეტალები: სამხრეთ კორეის საინფორმაციო სააგენტო Yonhap-ის ცნობით, ერთმა რაკეტამ იაპონიის ზღვაში ჩავარდნამდე 80 კმ-ის სიმაღლეზე 350 კილომეტრი იფრინა, მეორემ კი — 800 კილომეტრი 60 კმ-ის სიმაღლეზე.

  • იაპონიის მთავრობამ ფხენიანის მოქმედებას დაუშვებელი უწოდა, სამხრეთ კორეის შეიარაღებული ძალების სარდლობამ კი — სერიოზული პროვოკაცია, რომელიც არა მხოლოდ კორეის ნახევარკუნძულს, არამედ მსოფლიო სტაბილურობასა და მშვიდობას ემუქრება.

არქივიდან: 4 ოქტომბერს ჩრდილოეთ კორეის მხრიდან იაპონიის თავზე რაკეტის გასროლას იაპონიის ზოგიერთ რეგიონში ევაკუაცია და მატარებლის მოძრაობის შეფერხება მოჰყვა.

  • მაშინ თავდაცვის მინისტრმა, იასუკაზუ ჰამადამ თქვა, რომ იაპონია ყველა ვარიანტს განიხილავს, მათ შორის — კონტრშეტევის შესაძლებლობებს, რათა გააძლიერონ თავდაცვა, ჩრდილოეთ კორეიდან მომდინარე საფრთხის ფონზე.