გერმანიის საგარეო საქმეთა მინისტრის, ანალენა ბერბოკის თქმით, უკრაინა შეიძლება გახდეს ევროკავშირის სრულუფლებიანი წევრი, თუმცა ამისათვის მოკლე გზა ვერ იარსებებს. მისი თქმით, დარწმუნებულია, რომ ქვეყანას კანდიდატის სტატუსი მიენიჭება, თუმცა იმაზე, თუ რა მოხდება ამის შემდეგ, ცარიელი დაპირებები არ უნდა გაიცეს.

მინისტრმა, ასევე, თქვა, რომ გერმანია რუსეთზე ენერგოდამოკიდებულებას ამცირებს.

ევროკომისიის პრეზიდენტმა, ურსულა ფონ დერ ლაიენმა განაცხადა, რომ თუკი ევროკავშირი ერთსულოვანი კენჭისყრის წესის გაუქმებას გადაწყვეტს, იგი ამ გადაწყვეტილებას მხარს დაუჭერს. ევროპის მომავლის შესახებ კონფერენციაზე ევროპარლამენტის წინაშე სიტყვით გამოსვლისას ლაიენმა თქვა, რომ ის მხარს უჭერს ევროკავშირის ხელშეკრულებების რეფორმას "თუ ეს საჭირო იქნება".