უკრაინაში მებრძოლი ქართველი სამხედრო, ნადიმ ხმალაძე Facebook-ზე წერს, რომ ქიმიური ნივთიერება სარინით მოიწამლა. მან 4 აპრილს გაავრცელა ინფორმაცია, რომ 7 მებრძოლს ქიმიური ინტოქსიკაციის ნიშნები ჰქონდა.

"დღეს გვითხრეს, რომ მოვიწამლეთ ქიმიური ნივთიერება სარინით, რაღაც გაურკვეველ ნარევთან ერთად, ფსიქოსტიმულიატორი, ნაერთის დადგენა ვერ ხერხდება", — წერს ქართველი მებრძოლი.

ომის დაწყებიდან 2 თვეზე ნაკლები გავიდა და ამ დროში ნათლად გამოჩნდა, რომ რუსეთი ომში სხვადასხვა კონვენციებით აკრძალული იარაღის გამოყენებას არ ერიდება. 13 აპრილს გავრცელდა ინფორმაცია, რომ რუსეთმა ქალაქ მარიუპოლში ქიმიური იარაღი — "სარინი" გამოიყენა. ეს ჯერ ოფიციალურად არ დადასტურებულა.