საქართველოს საგარეო საქმეთა მინისტრი, ილია დარჩიაშვილი მადლობას უხდის უკრაინელ კოლეგას და ამბობს, რომ მათი ნაყოფიერი თანამშრომლობით გაძლიერდება ორ ქვეყანას შორის მეგობრობა.

"მადლობას ვუხდი დმიტრო კულებას კეთილი სურვილებისთვის. დარწმუნებული ვარ, ჩვენი ნაყოფიერი თანამშრომლობა კიდევ უფრო გააძლიერებს მეგობრობას უკრაინელ და ქართველ ხალხს შორის საერთო წარმატებების მიღწევაში და გამოწვევების დაძლევაში. ძლიერ მხარდაჭერას და სოლიდარობას ვუცხადებთ უკრაინელ ხალხს მათი ქვეყნისა და იმ ღირებულებებისთვის ბრძოლაში, რომელსაც ჩვენ ვიზიარებთ", — ამბობს ის.

უკრაინის საგარეო საქმეთა მინისტრმა, დმიტრო კულებამ დატვიტა, რომ ელის საქართველოს ახალ საგარეო საქმეთა მინისტრთან მუშაობას. ის ამბობს, რომ საქართველოს სრული მხარდაჭერის იმედი აქვს.

ახალი საგარეო საქმეთა მინისტრი გუშინ, 4 აპრილს დანიშნა. ის მთავრობის ადმინისტრაციის ყოფილი უფროსი ილია დარჩიაშვილია. პრემიერმა თქვა, რომ ახლა ქვეყანა ბევრი გამოწვევის წინაშე დგას და ამ სიტუაციაში საჭიროა აქტიურობა ქვეყნის მთავარი ეროვნული მიზნის მისაღწევად.