უკრაინის თავდაცვის ყოფილი მინისტრის, ანატოლი გრიცენკოს განცხადებით, საქართველო ამჟამინდელი მთავრობითა და ხალხით, რომელიც მათ ირჩევს და ითმენს, უკრაინის სტრატეგიული პარტნიორი აღარ იქნება.

"ომი სამყაროს შავ-თეთრს ხდის. მეგობარი მტერია. შენიანი უცხო. საქართველოს დღევანდელი ხელისუფლება ჩვენთვის უცხოა. ვნახავთ, როგორ მოიქცევა ქართველი ხალხი, რომელსაც 2008 წელს დავეხმარეთ, როგორ მოიქცევა. საქართველო ამჟამინდელი მთავრობითა და მოსახლეობით, რომელიც ირჩევს და ითმენს ასეთ მთავრობას, აღარ იქნება ჩვენი სტრატეგიული პარტნიორი (როგორც აქამდე მიიჩნეოდა), არც ევროკავშირსა და NATO-ს მოუნდებათ ასეთი საქართველოს ნახვა.

ამიტომ საქართველოს მოსახლეობა უნდა დაფიქრდეს იმაზე, სურს თუ არა, რომ ქვეყანას ეწოდოს სანდო პარტნიორი", — აცხადებს თავდაცვის ყოფილი მინისტრი.

27 თებერვალს უკრაინის პრეზიდენტმა, ვოლოდიმირ ზელენსკიმ განაცხადა, რომ თავდაცის საერთაშორისო ლეგიონს ქმნის, რომელიც უცხო ქვეყნის მოქალაქეებით დაკომპლექტდება. მან უცხო ქვეყნის ყველა მოქალაქეს მიმართა, რომ ვისაც სურს შეუერთდეს უსაფრთხოების დაცვას ევროპასა და მსოფლიოში, შეუძლია ჩავიდეს უკრაინაში და მათთან ერთად იბრძოლოს. თავდაცვის მინისტრის მოადგილე, განა მალიარი კი აცხადებს, რომ ერთ დღეში ლეგიონში გაწევრიანების სურვილი უცხო ქვეყნის ათასობით მოქალაქემ გამოთქვა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში