აშშ მზადაა, მიიღოს უკრაინელი ლტოლვილები. თეთრი სახლის ინფორმაციით, მთავრობა ასევე მზადაა, დაეხმაროს უკრაინის მეზობელ ქვეყნებს, გაუმკლავდნენ ლტოლვილთა გაზრდილ ნაკადს.

"მზად ვართ, მივიღოთ, მაგრამ ველით, რომ უმრავლესობას სურს ევროპაში და მეზობელ ქვეყნებში წასვლა. ვმუშაობთ ევროპულ ქვეყნებთან იმაზე, თუ რა საჭიროებები არსებობს და სად არის შესაძლებლობები. მაგალითად, პოლონეთი, სადაც ბოლო 24 საათის განმავლობაში ვხედავთ ლტოლვილთა მზარდ ნაკადს", — თქვა თეთრი სახლის პრესსპიკერმა, ჯენ ფსაკმა.

გაეროს ლტოლვილთა სააგენტოს განცხადებით, უკრაინაში 100 000-ზე მეტ ადამიანს სახლის დატოვება მოუწია, მათგან რამდენიმე ათასი გადავიდა მეზობელ ქვეყნებში, ძირითადად რუმინეთსა და მოლდოვაში.

გერმანია დაეხმარება აღმოსავლეთ ევროპის იმ ქვეყნებს (პირველ რიგში, პოლონეთს), რომლებიც რუსეთის მიერ უკრაინაზე შეტევის შედეგად ლტოლვილების დიდი ნაკადის შემოსვლას ელიან.

24 თებერვლის მთავარი ამბები:

  • უკრაინის პრეზიდენტის განცხადებით, წინასწარი მონაცემებით, რუსეთის შეტევებს 137 ადამიანი ემსხვერპლა;
  • რუსულმა ჯარებმა უკრაინას სხვადასხვა ტერიტორიიდან, მათ შორის ბელარუსიდან შეუტიეს, რასაც ლუკაშენკო უარყოფს;
  • რუსებმა კონტროლი აიღეს რამდენიმე აეროდრომსა და აეროპორტზე;
  • რუსებმა ხელში ჩაიგდეს ჩერნობილის ატომური სადგური;
  • ევროკავშირმა, ბრიტანეთმა და აშშ-მ რუსეთს ახალი სანქციები დაუწესეს;
  • უკრაინამ რუსეთთან დიპლომატიური ურთიერთობები გაწყვიტა;
  • ომის გასაპროტესტებლად აქციები მსოფლიოს სხვადასხვა ქალაქში, მათ შორის, მოსკოვში გაიმართა, სადაც ასეულობით ადამიანი დააკავეს;
  • ორივე მხარეს დაიღუპა ათეულობით სამხედრო, ზუსტი რაოდენობა უცნობია;
  • რუსული რუბლი რეკორდულად გაუფასურდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: