საქართველოს ბანკი, როგორც განათლების მთავარი მხარდამჭერი, ახალგაზრდებისთვის ახალი შესაძლებლობების შექმნას განაგრძობს. სწორედ ამ მიზნით, აშშ-ს წამყვან უნივერსიტეტებში სამაგისტრო პროგრამაზე სწავლის მსურველებს შესაძლებლობას აძლევს, საქართველოს ბანკის სტიპენდიის მხარდაჭერით Fulbright-ის პროგრამაში ჩაერთონ და 100%-იანი დაფინანსებით ისწავლონ.

2027-2028 წლის Fulbright-ის სამაგისტრო პროგრამაზე განაცხადების მიღება მიმდინარეობს და 1 ივლისს დასრულდება. აპლიკაციის შესავსებად ეწვიეთ საერთაშორისო განათლების ინსტიტუტის (IIE) პორტალს.

პროგრამა რამდენიმე ეტაპისგან შედგება:

  • აპლიკაციის შევსება;
  • აპლიკაციის ეტაპის წარმატებით გავლის შემდეგ, კანდიდატები გაივლიან გასაუბრებას;
  • შერჩეული აპლიკანტები ჩააბარებენ სამი ტიპის ტესტს: TOEFL-ს, GRE-სა და GMAT-ს.

სასტიპენდიო პროგრამის მოთხოვნებისა და განაცხადის შევსების წესების შესახებ ინფორმაცია ხელმისაწვდომია ბმულზე.

ინფორმაციისთვის, Fulbright-ი აშშ-ს მთავრობის მიერ დაფინანსებული გლობალური სტუდენტური პროგრამაა, რომელიც სტუდენტებს შესაძლებლობას აძლევს, აშშ-ში მათთვის სასურველი მიმართულებითა და უნივერსიტეტში სამაგისტრო საფეხურზე სრული დაფინანსებით ისწავლონ.

2014 წლიდან საქართველოს ბანკი Fulbright-ის პროგრამის მხარდამჭერია, რაც ნიშნავს, რომ ფინანსური ინსტიტუტი ყოველწლიურად საკუთარ სტიპენდიატს ავლენს და მას აშშ-ში როგორც სწავლის, ისე საცხოვრებლის ხარჯებს სრულად უფინანსებს.

დღეისათვის უკვე გამოვლენილია საქართველოს ბანკის 16 სტიპენდიატი და მათი რაოდენობა ყოველწლიურად იზრდება.

საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.