28 ივნისს ყრილობაზე პარტია "ჯერ საქართველოს" დაფუძნებასა და თავმჯდომარის არჩევას მხარი დაუჭირეს. პარტიის თავმჯდომარედ ვიქტორ ყიფიანი აირჩიეს.

პარტიის პოლიტიკური საბჭოს წევრებად აირჩიეს:

• ვახტანგ კაპანაძე;
• ვალერი ჩეჩელაშვილი;
• რუსუდან თევზაძე;
• ნიკოლოზ ხატიაშვილი;
• გიორგი ანთაძე.

პარტიის სარევიზიო კომისიის წევრები იქნებიან:

• გიორგი შალამბერიძე — თავმჯდომარე;
• ბექა ბოჭორიშვილი;
• ივერი მისრიაშვილი;
• ვასილ ივანოვ-ჩიქოვანი.

პარტიის აღმასრულებელი მდივანია ზურა შარაშენიძე. სამდივნოს წევრები არიან:

• ნინო სტურუა;
• გიორგი მსხილაძე;
• სანდრო სამადბეგიშვილი.

"პოლიტიკური პარტია "ჯერ საქართველო" უფრო მეტია, ვიდრე პარტია და, მით უმეტეს, გაცილებით მეტია, ვიდრე ოპოზიციური პარტია. ის არის ქვეყანაში საჭირო და რეალურ ცვლილებებზე ორიენტირებული პოლიტიკური ძალა და, სწორედ აქედან გამომდინარე, ამ ცვლილებების მსურველი თითოეული ადამიანის ბუნებრივი მოკავშირეა.
აქედან გამომდინარე, ვიმეორებ, რომ ყველასთვის, ვისი ხმაც სხვა პოლიტიკურმა ძალებმა ვერ გაიგონეს, ვერ გამოიყენეს, იმედი გაუცრუეს, ვერ გაუმართლეს ან მომავლის პერსპექტივა ჩაუქრეს, არჩევნად რჩება ჯერ საქართველო," — განაცხადა ვიქტორ ყიფიანმა სიტყვით გამოსვლისას.

პარტიის დამფუძნებელი და თავმჯდომარე ვიქტორ ყიფიანი წარსულში "ქართული ოცნების" დამფუძნებლისა და საპატიო თავმჯდომარის, ბიძინა ივანიშვილის ადვოკატი იყო. "რუსული კანონის" ინიციირების შემდეგ, ყიფიანი ბიძინა ივანიშვილის იურიდიულ ინტერესებს აღარ იცავდა.

ვიქტორ ყიფიანი კომპანია MKD Law-ის უფროსი პარტნიორი და ანალიტიკური ორგანიზაცია ჯეოქეისის თავმჯდომარეა.