საქართველოში ვაქცინის ბუსტერ დოზის გაკეთების ვადა შემცირდა. შესაბამისი ბრძანება ჯანდაცვის მინისტრმა, ეკატერინე ტიკარაძემ გამოსცა.

სამინისტროს ინფორმაციით, PfaizerBioNTech ბუსტერდოზით ადმინისტრირება უნდა განხორციელდეს ვაქცინაციის კურსის დასრულებიდან მინიმუმ 5-თვიანი ინტერვალით, რაც მეორე დოზის გაკეთების თარიღიდან აითვლება. ბუსტერდოზად შესაძლებელია გამოყენებული იყოს იგივე ან სხვა ვაქცინა.

12-15 წლის ასაკის მოზარდებში კი PfaizerBioNTech ვაქცინის მეორე დოზით ადმინისტრირება რეკომენდებულია განხორციელდეს პირველი დოზის მიღებიდან 3-დან 12 კვირამდე ინტერვალით.

რაც შეეხება ინაქტივირებულ ვაქცინებით, სინოვაკისა და სინოფარმით აცრილი პირებისათვის ბუსტერდოზა შესაძლებელია გაკეთდეს ვაქცინაციის კურსის დასრულებიდან მინიმუმ 3-თვიანი ინტერვალით.

კორონავირუსის ბუს­ტერ ვაქ­ცი­ნა ვაქ­ცი­ნის და­მა­ტე­ბი­თი დოზაა, რო­მე­ლიც ვაქცინაციის სრული კურსის დას­რუ­ლე­ბი­დან გარ­კვე­უ­ლი დრო­ის გასვლის შემდეგ კეთდება, რათა იმუ­ნუ­რი დაც­ვა გააძლიეროს. რო­გორც წესი, ბუს­ტე­რი მას შემ­დეგ კეთდება, რაც იმუ­ნი­ტე­ტი პირ­ვე­ლა­დი ვაქ­ცი­ნა­ცი­ის შემ­დგომ ბუნებრივად ქვე­ით­დე­ბა. ბუს­ტე­რის მი­ზა­ნია, რომ იმუ­ნი­ტე­ტის უფრო ხან­გრძლი­ვი შე­ნარ­ჩუ­ნე­ბა უზუნველყოს. ქვეყანაში ბუსტერ დოზით ვაქცინაციაზე ბრძანება 11 ოქტომბერს გამოიცა.

საქართველოში ამ დროისთვის 3 სხვადასხვა ვაქცინაა ხელმისაწვდომი, თუმცა ასტრაზენეკათი აცრა მხოლოდ იმ ადამიანებს შეუძლიათ, ვინც ერთი დოზა უკვე გაიკეთა.

უკვე შესაძლებელია ბუსტერითა და ჩანაცვლებით სარგებლობაც. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.