ვინ და როგორ მიიღებს ვაქცინის ბუსტერ დოზას
COVID 19-ის ბუსტერ ვაქცინა არის ვაქცინის დამატებითი დოზა, რომელიც კეთდება ვაქცინაციის სრული კურსის დასრულებიდან გარკვეული დროის გასვლის შემდეგ, რათა გააძლიეროს იმუნური დაცვა. როგორც წესი, ბუსტერი კეთდება მას შემდეგ, რაც იმუნიტეტი პირველადი ვაქცინაციის შემდგომ ბუნებრივად ქვეითდება. ბუსტერის მიზანია, უზუნველყოს იმუნიტეტის უფრო ხანგრძლივი შენარჩუნება.
ბუსტერის გაკეთება საქართველოში უკვე შეუძლია ნებისმიერ ადამიანს, რომელიც არის 18 წელზე მეტი ასაკის. მთავარი მოთხოვნაა, მეორე დოზის გაკეთებიდან 6 თვე იყოს გასული. გამონაკლისია 60 წელზე მეტი ასაკის ადამიანები.
რომელი ვაქცინით შეგვიძლია ბუსტერის გაკეთება
თავდაპირველად გეტყვით, რომ ბუსტერ დოზის გაკეთება შეუძლიათ როგორც სინოფარმითა და სინოვაკით, ისე ფაიზერითა და ასტრაზენეკას ვაქცინით აცრილებს. კერძოდ:
- ადამიანს, რომელი აცრილია სინოფარმის და სინოვაკის ვაქცინით, ბუსტერ დოზისთვის შეუძლია გამოიყენოს როგორც სინოფარმის და სინოვაკის, ასევე, ფაიზერი ვაქცინა;
- ადამიანს, რომელიც აცრილია ასტრაზენეკათი, ბუსტერ დოზის გაკეთება ფაიზერის ვაქცინით შეუძლიათ;
- ფაიზერით აცრილი ადამიანების შემთხვევაში რეკომენდებულია ბუსტერიც ფაიზერი იყოს.
ბუსტერის გაკეთება აქამდეც შეეძლოთ 60 და მეტი წლის ადამიანებს, თუმცა ამჯერად სიახლეა ის, რომ თუ ისინი აცრილები არიან სინოფარმით ან სინოვაკით, მეორე აცრის გაკეთება შეუძლიათ 3-დან 6 თვემდე ინტერვალში.
ჩანაცვლება
იმ შემთხვევაში, თუ აპირებთ გამგზავრებას ქვეყანაში, რომელსაც აღიარებული არ აქვს სინოფარმი და სინოვაკი, საზღვარზე კი ვაქცინის დადასტურებას ითხოვენ, უნდა ისარგებლოთ ჩანაცვლებით. განსხვავებით ბუსტერისგან, რომელსაც იკეთებთ ერთხელ, ჩანაცვლებისთვის ორჯერადად აცრაა საჭირო, რადგან უნდა შეხვიდეთ იმ ქვეყანაში, სადაც მათ მიერ აღიარებული ვაქცინით ორჯერ აცრას ითხოვენ. თუმცა არსებობს ქვეყნები, რომლებიც მხოლოდ ბუსტერსაც აღიარებენ და სხვა ვაქცინით ხელახლა ორჯერ აცრა აღარ არის საჭირო.
Pfizer–ის ვაქცინის ორი დოზით აცრა შეუძლიათ იმ ადამიანებს, რომლებსაც მოგზაურობის, სწავლის, მკურნალობის ან სხვა მიზნით, საზღვარგარეთ წასვლისთვის ესაჭიროებათ ვაქცინაციის ჩატარება. ამ შემთხვევაში სინოფარმის ან სინოვაკის მეორე დოზით აცრიდან მინიმუმ 28 დღე უნდა იყოს გასული. აცრისთვის მათ მოგზაურობის დამადასტურებელი რაიმე დოკუმენტი უნდა წარადგინონ.
რა ხდება იმ შემთხვევაში, თუ ადამიანი აცრილია სინოფარმით ან სინოვაკით, გაიკეთა ბუსტერი და მიემგზავრება რომელიმე ქვეყანაში, სადაც ორი დოზით აცრას ითხოვენ? — ამ კითხვით On.ge-მ დაავადებათა კონტროლის ეროვნული ცენტრის ხელმძღვანელს, ამირან გამყრელიძეს მიმართა. მისი განმარტებით, ბევრი ქვეყანა ბუსტერსაც ცნობს, მაგრამ თუ აუცილებლად ორ დოზას ითხოვენ, მაშინ შესაძლებელია ბუსტერის შემდეგ კიდევ ერთი აცრაც გაიკეთონ.
"ჩვენთან უკვე არის დაახლოებით 300-მდე ადამიანი, რომელიც 4-ჯერ არის აცრილი. თქვენი ჯანმრთელობისთვის და ასევე, ბევრ ქვეყანაში მოგზაურობისთვის ერთი (ანუ ბუსტერი) საკმარისია, მაგრამ თუ ითხოვენ, მაგალითად, ხშირად სტუდენტებს არ უშვებენ კამპუსში და აუცილებლად ორჯერ უნდა იყვნენ აცრილები, ამ შემთხვევაში, შეუძლიათ გაიკეთონ მეორეც 21-28 დღის შემდეგ", — ამბობს ამირან გამყრელიძე.
როგორ დავრეგისტრირდეთ ბუსტერზე
On.ge-ს ჯანდაცვის მინისტრის მოადგილემ, თამარ გაბუნიამ უთხრა, რომ ბუსტერისთვის წინასწარი რეგისტრაცია აუცილებელი არ არის და შესაძლებელია მისი გაკეთება პირდაპირ ამცრელ დაწესებულებაში მისვლით. თუმცა თუ გირჩევნიათ წინასწარ, ონლაინ დარეგისტრირდეთ, ამისთვის უნდა შეხვიდეთ ვებ-გვერდზე Booking.moh.gov.ge და აირჩიოთ შესაბამისი ვაქცინა. გაითვალისწინეთ, რომ ბუსტერზე ცალკე ფანჯარა არ არის და ყველა ეტაპი აცრის პირველ და მეორე დოზაზე რეგისტრაციის ანალოგიურია. ჯანდაცვის სამინისტროში განმარტავენ, რომ საიტზე ბუსტერზე რეგისტრაცია დასტურდება იმ შემთხვევაში, თუ პირს ჩატარებული აქვს ორივე აცრა და მეორე აცრიდან გასულია სულ მცირე 6 თვე. ხოლო ადამიანი 60 წელზე მეტი ასაკისაა და რეგისტრირდება სინოფარმის ან სინოვაკის ბუსტერზე, მეორე დოზიდან გასული უნდა იყოს მინიმუმ 3 თვე.
ამის შემდეგ საიტზე შეგყავთ პირადი მონაცემები. დააკვირდით ყურადღებით, რომ ყველაფერი სწორად იყოს მითითებული.
მომდევნო ეტაპი აცრის ჩატარების რეგიონის, რაიონისა და დაწესებულების არჩევაა. ამ ყველაფრის მითითების მერე კი, დააკლიკეთ შენახვას.
ამის შემდეგ უნდა აირჩიოთ შესაბამისი თარიღი და ვაქცინაციის დრო. გაითვალისწინეთ, რომ ბუსტერისთვის აცრის მეორე დოზიდან 6 თვე უნდა იყოს გასული, ჩანაცვლებისთვის კი, 28 დღე. ამაზე წინა თავში დეტალურად ვისაუბრეთ.
უკვე ბოლო ეტაპზე საიტი ამ ფანჯარას გაჩვენებთ. მითითებული უნდა იყოს აცრის დრო, ასევე, ადგილი და ჯავშნის კოდი. გარდა ამისა, 24 საათის განმავლობაში რეგისტრაციის დამადასტურებელი მესიჯი უნდა მიიღოთ.
გახსოვდეთ, რომ ვაქცინა მნიშვნელოვანია და ის გვეხმარება როგორც საკუთარი, ისე გარშემომყოფების სიცოცხლის დაცვაში. დაავადებათა კონტროლის ეროვნული ცენტრის კვლევით, რომელიც 2021 წლის 15 მარტიდან 30 სექტემბრამდე პერიოდს მოიცავს, სრულად ვაქცინირებულ ადამიანებში COVID-19-ით ინფიცირებისაგან დაცვის ეფექტურობა 89,41%-ია. გარდა ამისა, ორჯერადი ვაქცინაცია 93,35%-ით გვიცავს ჰოსპიტალიზაციისგან. გარდა ამისა, ამავე პერიოდში კორონავირუსით გარდაცვლილი ადამიანების 98,96% არავაქცინირებული იყო. აცრილთა გარდაცვალების მაჩვენებელი 1,04%-ია.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები