კორონავირუსის საწინააღმდეგო ვაქცინის გაკეთება უკვე წინასწარი რეგისტრაციის გარეშეა შესაძლებელი. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ამ ეტაპზე ქვეყნის მასშტაბით სულ ექვს ადგილასაა შესაძლებელი აცრა წინასწარი რეგისტრაციის გარეშე. აქედან ოთხი დედაქალაქში, ორი კი რეგიონებშია გადანაწილებული.

თბილისი:

  • თბილისის სახელმწიფო სამედიცინო უნივერსიტეტი (ვაჟა-ფშაველას გამზირი 33) — ვაქცინაცია შესაძლებელია მხოლოდ ფაიზერის ვაქცინით. ცენტრი მუშაობს მუშაობს ყოველ დღე (დასვენების დღეების ჩათვლით) 09:00-დან 20:00-მდე;
  • ტექნიკური უნივერსიტეტის მეექვსე კორპუსი (სააკაძის მოედანი, კოსტავას 77) — ვაქცინაცია შესაძლებელია როგორც ფაიზერით, ისე სინოვაკითა და სინოფარმით. ცენტრი მუშაობს ყოველ დღე (დასვენების დღეების ჩათვლით) 10:00-დან 20:00-მდე შესვენების გარეშე;
  • ექსპრეს მედიქალ სერვისი, თბილისის ზღვის პლაზა ჰუალინგი (ჯუმბერ ლეჟავას 22) — ვაქცინაცია შესაძლებელია სინოფარმითა და სინოვაკით. ცენტრი მუშაობს მუშაობს ყოველ დღე (დასვენების დღეების ჩათვლით) 10:00-დან 17:30 საათამდე;
  • სავაჭრო ცენტრი ლილო მოლი (კახეთის გზატკეცილი N 112) — ვაქცინაცია შესაძლებელია სინოფარმის ვაქცინით. ცენტრი მუშაობს 10:00-იდან 16:00-მდე, შესვენების საათებია 13:00-დან 14:00-მდე;

რაც შეეხება რეგიონებს, რეგისტრაციის გარეშე კორონავირუსის ვაქცინის გაკეთება შესაძლებელია მცხეთასა და ბათუმში:

  • მცხეთის სამედიცინო ცენტრის ვაქცინაციის სივრცე მცხეთის სპორტულ გამაჯანსაღებელ კომპლექსში (სამხედროს ქუჩა 9) — ვაქცინაცია შესაძლებელია ფაიზერის ვაქცინით. ცენტრი მუშაობს ორშაბათიდან პარასკევის ჩათვლით 10:00-დან 18:00-მდე, შესვენების გარეშე.
  • ბათუმის შოთა რუსთაველის სახელმწიფო უნივერსიტეტი (რუსთაველის/ნინოშვილის ქ. 32/35) — ვაქცინაცია შესაძლებელია როგორც ფაიზერის, ისე სინოფარმისა და სინოვაკის ვაქცინებით.

გაიგე მეტი: