გირჩის ერთ-ერთი ლიდერი, იაგო ხვიჩია ამბობს, რომ მათ ბევრი შეცდომა დაუშვეს და მათ შორის, პორშეს გათამაშებაც შეცდომა იყო.

"პორშეს გათამაშებაც შეცდომა იყო, ზოგადად, არასწორი დაპირება იყო, როგორც ასეთი, მაგრამ დაპირება ჩვენ გადაჭარბებით უნდა შეგვესრულებინა და შევასრულეთ. შეცდომა იყო, თუნდაც იმიტომ, რომ ჩვენ არ ვართ ლატარიის კომპანია პირობითად და ამ ფაქტმა, ზოგადად, გამოიწვია სხვა ადამიანების უარყოფითი რეაქციაც, სავარაუდოდ და ფაქტია, რომ შედეგები როდესაც ასეთია, ყველა პროექტი, რომელსაც არ უნდა აკეთებდე, თუ პროექტის შინაარსი არა, მისი ფორმები მაინც უნდა დააყენო კითხვის ნიშნის ქვეშ", — აცხადებს ის რუსთავი 2-ის ეთერში.

მისივე თქმით, ეს შანსია იმისა, რომ ყველაფერი, რასაც აკეთებდნენ, კითხვის ნიშნის ქვეშ დააყენონ და ასეთი განწყობით დაიწყონ ახალი პროექტი.

"მე მგონი, ბევრი შეცდომა დავუშვით, როგორც ჩანს და უნდა გადავიაზროთ სხვანაირად მთელი პროცესი, რასაც ვაკეთებდით და ვფიქრობ, რომ ეს წარუმატებლობა რაღაცნაირი შანსია იმის, რომ ყველაფერი დავაყენოთ კითხვის ნიშნის ქვეშ საერთოდ, რასაც ვაკეთებდით და ასეთი განწყობით დავიწყოთ ახალი პროექტი.

ახლა რასაც ვფიქრობ, ამ წუთის მოცემულობით, არის ის, რომ ზედმეტად ავყევით მედია მეინსტრიმს და ზედმეტად დავინტერესდით იმ თემებით, რომელიც ხდებოდა ქვეყანაში, მედიის აზრით და ამით ავცდით რეალობას", — აცხადებს ხვიჩია.

  • არჩევნების პირველადი შედეგების ნახვა შეგიძლიათ აქ.