შენგენის იმ შვიდ ქვეყენას, სადაც სინოვაკით აცრილებისთვის საზღვარი რამდენიმე დღის წინ გახისნა, შვედეთიც დაემატა. ამის შესახებ ინფორმაციას SchengenVisaInfo შვედეთის ხელისუფლებაზე დაყრდნობით ავრცელებს.

შვედითს ხელისუფლების გადაწყვეტილებით, ქვეყანაში შემსვლელთათვის ვალიდურად ითვლება სრული ვაქცინაცია შემდეგი ვაქცინებით: Pfizer/BioNTech (Comirnaty), AstraZeneca (Vaxzevria), Johnson & Johnson (Janssen), Moderna (Spikevax), AstraZeneca-SK Bio (Vaxzevria), AstraZeneca-Serum Institute of India (Covishield), Sinopharm BIBP და CoronaVac by Sinovac Life Sciences.

შესაბამისად, ამ ვაქცინით აცრილებს საზღვარზე მხოლოდ აცრის სერთიფიკატის წარდგენა მოეთხოვებათ, რომელიც შედგენილი უნდა იყოს შემდეგი ენებიდან ერთ-ერთზე — შვედური, დანიური, ნორვეგიული, ფრანგული და ინგლისური.

ნებისმიერი ქვეყნიდან ჩასული პირები, რომლებიც არ არიან სრულად ვაქცინირებული ზემოთ ჩამოთვლილი ვაქცინებით და/ან არ ფლობენ ვაქცინაციის ვალიდურ სერთიფიკატს, ვალდებულნი არიან, წარადგინინ უარყოფითი ტესტის საბუთი, რომელიც გაცემული უნდა იყოს საზღვრის კვეთამდე 48 საათის ფარგლებში. ამასთან, მითითებულია, რომ მიიღება ნებისმიერი ქვეყნის მიერ გაცემული უარყოფითი ტესტის სერთიფიკატი.

სინოვაკით აცრილებისთვის ქვეყანა შენგენის შვიდმა ქვეყანამ — ავსტრიამ, ფინეთმა, საბერძნეთმა, ისლანდიამ, ნიდერლანდებმა, ესპანეთმა და შვეიცარიამ, რამდენიმე დღის წინ გახსნა.

ამჟამად ყველა ევროპული ქვეყანა აღიარებს და საზღვრის კვეთისთვის შეზღუდვები მოხსნილი აქვს ევროპის სამედიცინო სააგენტოს (EMA) მიერ დამტკიცებული ვაქცინებით — AstraZeneca, Pfizer, Moderna, and Johnson and Johnson აცრილებისთვის. თუმცა, გარკვეული შეზღუდვები აქვთ ჯანდაცვის მსოფლიო ორგანიზაციის (WHO) მიერ დამტკიცებულ Sinovac-თან დაკავშირებით.

Sinovac არის ჩინური წარმოების ვაქცინა, რომელიც გადაუდებელი გამოყენებისთვის ჯანდაცვის მსოფლიო ორგანიზაციის მიერ 1 ივნისს დამტკიცდა და მთელი მსოფლიოს მასშტაბით აქტიურად ხდება მისი გამოყენება, მათ შორის საქართველოში.

ინფორმაციაში ასევე ნათქვამია, რომ სინოვაკს ვალიდურად აღიარებს კიდევ 5 ქვეყანა, რომლებიც შენგენის ზონაში არ არიან, მაგრამ ევროპის კონტინენტზე მდებარეობენ. ეს ქვეყნებია — ალბანეთი, სერბეთი, მაკედონია, საქართველო და სომხეთი.

გარდა შენგენის ზონის დასახელებული 7 ქვეყნისა, საზღვარი სინოვაკით აცრილებისთვის გახსნილი აქვს მსოფლიოს კიდევ 45 ქვეყანას.