რუსეთის საგარეო უწყება მოუწოდებს აშშ-ს, ყირიმისგან თავი შორს დაიჭიროს. მუქარისშემცველ და ირონიულ განცხადებაში რუსეთის საგარეო საქმეთა მინისტრის მოადგილე ამბობს, რომ "ასე მათთვის აჯობებს".

"ჩვენ მოვუწოდებთ აშშ-ს, მათთვის უკეთესი იქნება, ყირიმისა და ჩვენი შავიზღვისპირა სანაპიროსგან თავი შორს დაიჭირონ. ასე მათთვის აჯობებს", — განაცხადა რიაბკოვმა.

რიაბკოვის მტკიცებით, აშშ პროვოკაციას ცდილობს, როცა შავ ზღვაში თავის სამხედრო გემებს უშვებს.

"ამერიკულ სამხედრო გემებს ჩვენი სანაპიროების მახლობლად არაფერი ესაქმებათ. ეს ძალზედ პროვოკაციული ქმედებაა, სიტყვის პირდაპირი მნიშვნელობით. ჩვენ გამძლეობაზე გვცდიან, ჩვენს ნერვებზე თამაშობენ. არაფერი გამოუვათ", — განაცხადა მან და აღნიშნა, რომ, როგორც ჩანს აშშ თავს "ზღვათა მბრძანებლად" გრძნობს.

30 მარტს უკრაინის შეიარაღებული ძალების მთავარსარსალმა განაცხადა, რომ რუსეთმა საზღვართან და ოკუპირებულ ტერიტორიებზე ბატალიონების მობილიზება მოახდინა, რამაც ქვეყნის უსაფრთხოებას საფრთხეს უქმნის.

ვითარება შეაფასეს პენტაგონში და რუსეთის ქმედებები დაგმეს. როგორც პენტაგონის პრესსპიკერმა განაცხადა, აშშ ამ საკითხზე NATO-ს მოკავშირეებს ესაუბრება.

სატელეფონო საუბარი შედგა აშშ-ს და უკრაინის თავდაცვის მინისტრებს შორის. ლოიდ ოსტინმა უკრაინელ კოლეგას, ანდრეი ტარანს დაუდასტურა მხარდაჭერა და დაგმო რუსული პროვოკაცია. გარდა ამისა, მან განაცხადა, რომ ესკალაციის შემთხვევაში აშშ უკრაინას არ მიატოვებს.

უკრაინული მედიის ინფორმაციით, 11 აპრილს რუსეთის კონტროლირებადმა ძალებმა დონბასში ცეცხლის შეწყვეტის შეთანხმება ათჯერ დაარღვიეს, რა დროსაც, ერთი უკრაინელი სამხედრო დაიღუპა, ერთი კი დაიჭრა.

მედიის ცნობით, უკრაინული პოზიციების მიმართულებით ნაღმმტყორცნი და ტანკსაწინააღმდეგო ყუმბარმტყორცნები გამოიყენეს, რაც მინსკის შეთახმმების თანახმად აკრალული იყო. უკრაიუნული მედიის ინფორმაციით, უკრაინელმა ჯარისკაცებმა მათ საპასუხო ცეცხლი გაუხსნეს.

გარდა ამისა, შვედმა დიპლომატმა, კარლ ბილდტიმ გაავრცელა ვიდეო, სადაც ჩანს, რომ რუსეთი უკრაინისკენ სამხედრო ძალების გადაადგილებას აგრძლებეს. ამის შესახებ მან საკუთარ ტვიტერზე დაწერა.