ქობულეთის მუნიციპალიტეტის სოფელ ზინეთში, მთის ფერდობზე ხანძარია. საგანგებო სიტუაციების მართვის სამსახურში აცხადებენ, რომ ცეცხლი უკიდია ეკალბარდს და ხანძარი დასახლებასთან ახლოს არაა.

როგორც უწყებაში განმარტავენ, ადგილზე რთული რელიეფის გამო სახანძრო ტექნიკის მისვლა ვერ ხერხდება, ხოლო კერებთან 40 მეხანძრე-მაშველი იმყოფება. მათივე თქმით, ქრობის პროცესს ძლიერი ქარი ართულებს, თუმცა სიტუაცია კონტროლს ექვედებარება და ტყის მასივს ან დასახლებულ პუნქტს საფრთხე არ ემუქრება.