დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

უსაფრთხოების მართვის ცენტრის 112-ის დირექტორის, გიორგი არსოშვილის განცხადებით, 112-ში მიმართვიანობა 38%-ით არის შემცირებული. ის აღნიშნავს, რომ ბოლო 6 თვის განმავლობაში ყველაზე დაბალი მიმართვიანობა 20 დეკემბერს დაფიქსირდა — დაახლოებით 10 000.

"ბოლო ტენდენცია 112-ში არის საკმაოდ დადებითი, ვინაიდან შემცირებული არის მომართვიანობა, როგორც სასწრაფო-სამედიცინო ხასიათის გამოძახებებზე, ასევე კოვიდკონსულტაციებთან დაკავშირებით. მომართვიანობა შემცირებული არის დაახლოებით 38%-ით, ასევე, საშუალო-დღიური მომართვიანობა შემცირებული გვაქვს ჩვენ დაახლოებით 31%-ით და რაც ძალიან საინტერესოა, მინდა გითხრათ, რომ ყველაზე დაბალი მომართვიანობა ბოლო 6 თვეში დაფიქსირდა უკვე 20 დეკემბერს და დაახლოებით 10 000 ზარი იყო მხოლოდ მომართვიანობის თვალსაზრისით, მაშინ, როდესაც პანდემიის ფარგლებში ჩვენ ვღებულობდით 27 000 და 30 000 ზარსაც", — აცხადებს არსოშვილი.

პანდემიის პერიოდში 112-ში მიმართვიანობა გაზრდილია. რამდენიმე კვირის წინ მოქალაქეები ამბობდნენ, რომ საათების განმავლობაში ვერ უკავშირდებოდნენ სასწრაფო დახმარებას და, შესაბამისად, დაგვიანებით მიდიოდა ეკიპაჟი. ამის შემდეგ უსაფრთხოების მართვის ცენტრმა მოქალაქეებს მოუწოდა პასუხისმგებლობა გამოიჩინათ და არამიზნობრივად 112-ზე არ დაერეკათ. 112-ში აცხადებდნენ, რომ ქვეყანაში შექმნილი ეპიდვითარების მიუხედავად, 112-ში, 24 საათის განმავლობაში, 3 000-მდე არამიზნობრივი და საინფორმაციო ტიპის ზარი ფიქსირდებოდა, რაც მათივე თქმით, მუშაობის პროცესს აფერხებდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: