რუსეთის პრეზიდენტმა ვლადიმერ პუტინმა დსთ-ს ქვეყნების — აზერბაიჯანის, სომხეთის, ბელარუსის, ყაზახეთის, ყირგიზეთის, ტაჯიკეთის, თურქმენეთის, უზბეკეთის, ისრაელის, ოკუპირებული აფხაზეთის და სამხრეთ ოსეთის, ასევე საქართველოსა და მოლდოვას მოსახლეობას ნაცისტურ გერმანიაზე გამარჯვების 80-ე წლისთავი მიულოცა. აღსანიშნავია, რომ ამ ჩამონათვალში უკრაინა ნახსენები არ არის .

"საქართველოსა და მოლდოვას ხალხებისადმი მიმართვაში ვლადიმერ პუტინი მოუწოდებს შენარჩუნდეს მეგობრობისა და დახმარების კეთილი ტრადიციები და არ დაუშვან ჩვენი საერთო ისტორიული მემკვიდრეობის დავიწყება და მეგობარ ერებს შორის შუღლის დათესვა", — ნათქვამია კრემლის მიერ გამოქვეყნებულ მილოცვაში.

შეგახსენებთ, რომ თვითგამოცხადებული რესპუბლიკების, აფხაზეთისა და სამხრეთ ოსეთის ლიდერები, ბადრა გუნბა და ალან გაგლოევი, მოსკოვში გამარჯვების დღისადმი მიძღვნილ ღონისძიებებში მიიღებენ მონაწილეობას.