რეჟიმის პატიმრობაში მყოფი მსახიობი ანდრო ჭიჭინაძე ევროპის კინოაკადემიის წევრი გახდა. ინფორმაცია აკადემიის თავმჯდომარემ, მაიკ დოუნიმ გაავრცელა.

ფოტო: ევროპის კინოაკადემია

"ევროპის კინოაკადემიამ ახალი წევრების სია გამოაქვეყნა, რომელთა შორისაა ანდრო ჭიჭინაძე — ქართველი მსახიობი, რომელიც დღეს უკანონო პატიმრობაში იმყოფება.

აკადემიის თავმჯდომარემ მაიკ დოუნიმ ოფიციალურ ვიდეომიმართვაში აღნიშნა, რომ ანდროსთვის კინოაკადემიის წევრობის მინიჭება განსაკუთრებული ჟესტია და მოითხოვა მისი დაუყოვნებლივ გათავისუფლება.

დოუნიმ ასევე მოუწოდა ყველა საერთაშორისო კინოორგანიზაციას, გამოხატონ სოლიდარობა ანდროს მიმართ.

ამ პროცესში აქტიური მონაწილეობა მიიღო საქართველოს კინოინსტიტუტმა, რომელიც მუდმივად იცავს ხელოვანთა თავისუფლებასა და ხელოვნების თავისუფალ სივრცეს.
ეს აღიარება და მხარდაჭერა კიდევ ერთხელ უსვამს ხაზს იმას, რომ ხელოვანი, რომელსაც საკუთარ ქვეყანაში დევნიან, საქართველოს დამოუკიდებელი ხელოვანებისა და ყველა სინდისის პატიმარის ხმას წარმოადგენს და რომ საერთაშორისო თანამეგობრობა სრულიად ანდროს და სხვა უკანონოდ დაპატიმრებული ადამიანების გვერდითაა!" — წერს საქართველოს კინოს ინსტიტუტი.