დაღესტნის ხელისუფლებამ ბაბაიურტის ცხრა სოფლის ლიდერი ადმინისტრაციულ შენობებზე რუსული დროშები არ აღმართვისთვის დააჯარიმა.

შემოწმების შედეგად, დაღესტნის ბაბაიურთის ცხრა სოფლის გამგებელი ადმინისტრაციული სამართალდარღვევის ჩადენისთვის — სახელმწიფო სიმბოლოების არასათანადოს გამოყენებისთვის დაჯარიმდა. დაღესტნის პროკურატურის ცნობით, სასამართლომ ყველა მათგანი დამნაშავედ ცნო და 5000-დან 7000 რუბლამდე ($60-80$) ჯარიმა დააკისრა.

"სამართალდამრღვევი" ცხრა პირის ვინაობა და მათი სოფლები არ დაასახელეს.

გარდა ჯარიმებისა, ცხრავე მათგანმა ოფიციალური გაფრთხილება მიიღო, რომლის მიხედვითაც მათ ადმინისტრაციულ შენობებზე რუსეთის დროშა შესაბამისად უნდა აღმართონ. მოგვიანებით, დაღესტნის პროკურატურამ დააზუსტა, რომ დროშები შენობებზე კანონის მოთხოვნის შესაბამისად აღმართეს.

ეს რეგიონში პირველი შემთხვევა არ არის — ჩრდილოეთ კავკასიაში არა ერთი შემთხვევა დაფიქსირდა, როდესაც როგორც საჯარო მოხელეებს ასევე მოქალაქეებსაც აგებინეს პასუხი რუსეთის სახელმწიფო სიმბოლოების მიმართ უპატივცემულობისთვის.

აპრილში, ყარაჩაი-ჩერქეზეთის და ყაბარდო-ბალყარეთის სასამართლომ რვა პირი დააჯარიმა, რადგან ისინი სპორტულ ღონისძიებებზე რუსეთის ეროვნული ჰიმნის დროს ფეხზე არ წამოდგნენ. თითოეული მათგანი — ექვსი ზრდასრული და ორი არასრულწლოვანი 2000 რუბლით (25 დოლარი) დაჯარიმდა.

2024 წლის ივლისში, ნალჩიკის მაგისტრატმა მოსამართლემ რვა ადამიანი სკოლის დამთავრების ცერემონიაზე ეროვნული ჰიმნის დროს ფეხზე არ ადგომის გამო 3000 რუბლით (35 აშშ დოლარი) დააჯარიმა. საქმე მას შემდეგ მოექცა საზოგადოების ინტერესის ქვეშ, რაც რუსეთის პარლამენტის წევრმა, ანდრეი კარტაპოლოვმა მათ წინააღმდეგ საჩივარი შეიტანა.

2024 წლის აგვისტოს, დაღესტნის ქალაქ კასპიისკში, მახაჩკალას დინამოსა და კრილია სოვეტოვის მატჩზე ფეხბურთის რამდენიმე გულშემატკივარი ჰიმნის შესრულების დროს იჯდა. ინციდენტმა სოციალურ ქსელში საზოგადოების პროტესტი გამოიწვია, რაზეც საფეხბურთო კლუბმა განცხადება გაავრცელა, რომელშიც ნათქვამია, რომ ასეთ ქმედებებს "კატეგორიულად არ ეთანხმება".

2018 წლიდან, რუსეთის სკოლებში ყოველკვირეული დროშის აღმართვისა და ჰიმნის ცერემონიები სავალდებულო გახდა. ამ ინიციატივას მხარს რუსეთის განათლების სამინისტრო და რეგიონული მთავრობები მხარს აქტიურად უჭერდნენ. ინიციატივის აღსრულებას ჩრდილოეთ კავკასიის რესპუბლიკებში განსაკუთრებული ყურადღება დაეთმო, სადაც ისტორიულად არსებობდა ადგილობრივ ტრადიციებსა და ფედერალურ იდენტობას შორის მუდმივი გამიჯვნა ხდებოდა. ამ რეგიონების ხელისუფლება ხშირად "პატრიოტიზმის" საჯარო გამოვლინებებზე გაზრდილი კონტროლით ფედერალურ ცენტრს ერთგულებას უცხადებს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.