ჯანდაცვის მინისტრის, ეკატერინე ტიკარაძის განცხადებით, იმის შანსი, რომ არჩევნები პანდემიაზე ნეგატიურად იმოქმედებს, ძალიან მინიმალურია. მისი თქმით, როცა ყველაფერი წესების დაცვით მიმდინარეობს, მოსახლეობა დაზღვეულია.

"როგორი იქნება პანდემიის გავრცელება არჩევნების შემდეგ, არ შემიძლია არ დავბრუნდე გაზაფხულზე, რომ აღდგომის დღესასწაულის შემდეგ რა მოლოდინი იქნებოდა ქვეყანაში და მაშინ ჩემს განცხადებასაც საკმაოდ დიდი ხმაური მოჰყვა, თუმცა იქ იგულისხმებოდა, როდესაც ადამინები დაიცავენ დისტანციას და ყველაფერი მიმდინარეობს წესების დაცვით, რა თქმა უნდა, ჩვენ ვართ დაზღვეულები. ეს არის რეალურად იგივე შემთხვევა, როდესაც ჩვენ შეგნებულად მივდივართ, ვაკეთებთ შეგნებულ არჩევანს და შესაბამისად, ვითვალისწინებთ ჩვენს უსაფრთხოებას და ქვეყნის უსაფრთხოებას. აქედან გამომდინარე, შანსი იქნება მინიმალური, რომ მოხდეს პანდემიაზე ამის ნეგატიური რეაგირება და დადებითი იქნება ბევრად უფრო მეტად, ვინაიდან ჩვენი უმეტესი მოქალაქე გააკეთებს სწორ არჩევანს", — განაცხადა ტიკარაძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: