დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 14

ქუთაისის მე-13 საჯარო სკოლაში ერთ პედაგოგს კორონავირუსი დაუდასტურდა. ქუთაისის რესურს ცენტრში On.ge-ს განუცხადეს, რომ მასწავლებლის დაინიფიცირების გამო სწავლა სრულიად დისტანციურ რეჟიმზე გადავიდა. მათივე განცხადებით, ინფიცირებულია ერთი მოსწავლეც.

"პასუხები მივიღეთ გუშინ გვიან ღამით და უკვე დღეიდან სწავლა გაგრძელდა დისტანციურად. გამომდინარე იქიდან, რომ კორონავირუსი დაუდასტურდა მასწავლებელს, ეს გადაწყვეტილება იქნა მიღებული. ინფიცირებულია, ასევე, ერთი მოსწავლე, რომელსაც უშუალოდ ნათესაური კავშირი აქვს ამ პედაგოგთან. ტესტებიც უკვე ჩატარდა", — განაცხადეს უწყებაში.

12 ოქტომბერს საქართველოში კორონავირუსის 478 ახალი შემთხვევა დაფიქსირდა. გამოჯანმრთელდა — 211. ბოლო მონაცემებით, სულ 12 272 შემთხვევაა დადასტურებული. აქედან, 6 538 ადამიანი უკვე გამოჯანმრთელდა. კორონავირუსით სულ 93 ადამიანი გარდაიცვალა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: