ქართული ოცნების აღმასრულებელმა მდივანმა, ირაკლი კობახიძემ განაცხადა, რომ "დღეს-ხვალ ადამიანებს გისოსებს მიღმა ვიხილავთ". აღნიშნული განცხადება კობახიძემ მას შემდეგ გააკეთა, რაც თქვა, რომ მარნეულში ქართული ოცნების მარნეულის შტაბის წევრის მანქანას ოპოზიციის წარმომადგენლები უკნიდან დაეჯახნენ, გადმოსვლის შემდეგ კი თავს დაესხნენ.

"უკნიდან შეგნებულად დაეჯახა მანქანა ჩვენი მარნეულის შტაბის წევრის ავტომობილს, მანქანიდან გადმოსვლის შემდეგ კი "რადიკალური", "კრიმინალური" ოპოზიციის რამდენიმე წარმომადგენელი თავს დაესხა, სახის ძვლები აქვს დამტვრეული", — განაცხადა კობახიძემ.

მისივე თქმით პროვოკაციები ამ ერთი თვის განმავლობაში გაგრძელდება და ყველაფერი აქტივისტების, მხარდამჭერების მოთმინებაზეა დამოკიდებული.

ბოლო პერიოდში პარტიები ხშირად ადანაშაულებენ ოპონენტებს თავდასხმასა და პროვოკაციის მოწყობაში. როგორც ერთიანი ნაციონალური მოძრაობისა და ევროპული საქართველოს წარმომადგენლები აცხადებენ, მმართველი გუნდის მხრიდან მათზე ზეწოლა ხორციელდება, რასაც ქართულ ოცნებაში უარყოფენ.

გაიგე მეტი: