სტრატეგია აღმაშენებლის ლიდერი, გიორგი ვაშაძე ქვეყანაში წინასაარჩევნოდ გამძაფრებულ მდგომარეობასა ეხმაურება და ამბობს, რომ ეს არის მმართველი პარტიის მხრიდან დაგეგმილი მიზანმიმართული პროვოკაციები.

"ეს ქვეყანაში არსებული პრობლემების გადაფარვას ემსახურება, რომ არ ვისაუბროთ უმუშევრობაზე, კორონავირუსის გაქცევაზე და ამ მიმართულებით არსებულ კატასტროფულ მდგომარეობაზე, არ ვისაუბროთ ლარის კურსზე და უმუშევრობაზე, ამიტომ ისინი თავად ესხმიან თავის თავს და თავადვე აკეთებენ ამ ყველაფერს",— განაცხადა გიორგი ვაშაძემ.

ვაშაძე მიმართავს ოპოზიციურ ძალებს, რადგან მათ მართებთ ხუთჯერ მეტი პასუხისმგებლობა იმიტომ, რომ მისივე თქმით, გვყავს ხელისუფლება, რომელიც მზად არის ყველაფერი გააკეთოს საკუთარი თანამდებობების შესანარჩუნებლად და ფულის კეთების გასაგრძელებლად.