პრემიერმინისტრ გიორგი გახარიას განცხადებით, ოზურგეთის რაიონის 49 სოფელში მაღალი სისწრაფის ინტერნეტი შევა. როგორც გახარიამ მთავრობის სხდომაზე თქვა, მთავრობამ "სოფლად ისეთი დონე უნდა მიიტანოს, როგორიც ქალაქადაა"

"ეს კიდევ ერთი მნიშვნელოვანი გამოწვევაა, რომელიც ეპიდემიამ და კრიზისმა დაგვანახა. მაღალი ხარისხის ინტერნეტი თითოეულ ქართულ სოფელში, ეს არის უაღრესად მნიშვნელოვანი და სწრაფად გადასაწყვეტი ამოცანა. ეს უბრალოდ ყოველდღიური ცხოვრების აუცილებლობა ხდება: იმისთვის, რომ ფერმერებმა ნორმალურად იმუშაონ; იმისთვის, რომ ჩვენმა ბავშვებმა ნორმალურად მიიღონ განათლება და ცხოვრების ჩვეულებრივი დონე, ისეთი, როგორიც არის ქალაქში, მივიტანოთ სოფლად", — თქვა გახარიამ.

მას არ დაუკონკრეტებია, რატომ გადაწყდა მაღალი ხარისხის ინტერნეტის შეყვანა კონკრეტულად ოზურგეთში და იგეგმება თუ არა იგივე სხვა ქალაქების შემთხვევაში.