რუსულმა სასამართლომ ქართველ ჯარისკაცს, გიორგი ჩუბეთიძეს, რომელიც უკრაინაში იბრძოდა დონბასში ხუთი სამხედრო მოსამსახურისთვის სროლის გამო სამუდამო პატიმრობა მიუსაჯა. ამის შესახებ ინფორმაციას რუსული მედია ავრცელებს.

"სასამართლომ მიიჩნია, რომ წარმოდგენილი მტკიცებულებები საკმარისია საქართველოს მოქალაქის წინააღმდეგ გამამტყუნებელი განაჩენის დაუსწრებლად გამოსატანად… სასამართლომ შუბეთიძეს სამუდამო პატიმრობა განსაკუთრებული რეჟიმის სასჯელაღსრულების კოლონიაში მიუსაჯა", — ნათქვამია რუსეთის საგამოძიებო კომიტეტის განცხადებაში.

რუსული მხარის თქმით, ჩუბეთიძეს უკრაინულ დანაყოფებში 2014 წლიდან იბრძოდა. მისი დაკავების შესახებ რუსეთის თავდაცვის სამინისტრომ ცნობა 2023 წლის ნოემბერში გაავრცელა. მასთან ერთად დააკავეს ქართველი გიორგი გოგლიძეც, რომელსაც რუსეთის სასამართლომ 2025 წლის აპრილში 9 წლით თავისუფლების აღკვეთა მიუსაჯა.