უკრაინის პრეზიდენტი ვოლოდიმირ ზელენსკი 24 თებერვალს საპრეზიდენტო არჩევნებისა და რეფერენდუმის გამოცხადებას გეგმავს. ამის შესახებ ინფორმაცია ოთხშაბათს Financial Times-მა გაავრცელა, თუმცა ამ საკითხთან დაახლოებულმა წყარომ Reuters-ს უთხრა, რომ ეს ვადები არარეალისტურად გამოიყურება.

Financial Times წერს, რომ უკრაინამ საპრეზიდენტო არჩევნებისთვის მზადება დაიყო, რომელიც რუსეთთან შესაძლო სამშვიდობო შეთანხმებაზე რეფერენდუმთან ერთად ჩატარდება. შეგახსენებთ, რომ 24 თებერვალი მოსკოვის მიერ უკრაინაში სრულმასშტაბიანი შეჭრის მეოთხე წლისთავია.

Financial Times იმასაც წერს, რომ ზელენსკის არ შეუძლია არჩევნებისა და რეფერენდუმის დაწყება იქამდე, სანამ რუსეთთან სამშვიდობო შეთანხმების პირობები არ შეთანხმდება. კიევი უსაფრთხოების გარანტიებს აშშ-სა და დასავლელი მოკავშირეებისგან მოითხოვს, სანამ ნებისმიერი სამშვიდობო შეთანხმება დაიდება, ასევე საჭირო იქნება ცეცხლის შეწყვეტა საარჩევნო კამპანიის პერიოდში.

"რუსები არ თანხმდებიან შეთანხმებაზე და არ დგამენ ნაბიჯებს ომის დასრულებისკენ, ამიტომ როგორ შეიძლება არჩევნების ჩატარებისკენ ნაბიჯების გადადგმა?" — განაცხადა წყარომ.

უკრაინის პრეზიდენტის ადმინისტრაციას Financial Times-ის ამ ინფორმაციასთან დაკავშირებით კომენტარი არ გაუკეთებია.