გორის სასამართლოს მოსამართლემ, ნინი გერგაულმა ვახო ფიცხელაურის ადმინისტრაციული სამართალდარღვევის ოქმი გააუქმა — ინფორმაციას ქართლის ამბები ავრცელებს.

სამართალდარღვევის ოქმის მიხედვით, აქტივისტმა ვახო ფიცხელაურმა პოლიციელებს დაკავებისას წინააღმდეგობა გაუწია და შეურაცხყოფა მიაყენა.

"[მოსამართლემ] მხოლოდ პოლიციელთა ჩვენებები არ გაიზიარა და მიუთითა, რომ ისინი ურთიერთშეუსაბამო განმარტებებს აკეთებდნენ! დასტურდება, რომ ფიცხელაური არა პოლიციელთა შეურაცხყოფის ან წინააღმდეგობის გაწევის გამო, არამედ წინსწრებით დააკავეს 4 ოქტომბრის სისხლის სამართლის საქმეზე!" — განაცხადა ადვოკატმა ლექსო მერებაშვილმა.

შეგახსენებთ, ვახო ფიცხელაური ამჟამად 4 ოქტომბრის საქმისთვის წინასწარ პატიმრობაში იმყოფება. აქტივისტს სსკ-ის 222-ე მუხლი/ 225-ე მუხლის II ნაწილით ედავებიან, რაც ჯგუფურ ძალადობაში მონაწილეობას და სტრატეგიული ობიექტების ხელში ჩაგდებას გულისხმობს და 6 წლამდე თავისუფლების აღკვეთას ითვალისწინებს.