"2008 წელს საქართველოში ომი იყო. ბერლუსკონისთან მივედი, მან დაურეკა პუტინს და მალევე მშვიდობის შეთანხმება გაფორმდა", — ამის შესახებ თბილისის მერმა და საფეხბურთო კლუბ "მილანის" ყოფილმა ფეხბურთელზე იტალიურ გამოცემა La Gazzetta dello Sport-თან ინტერვიუში იტალიის ყოფილ პრემიერმინისტრ და საფეხბურთო კლუბ "მილანის" მფლობელ სილვიო ბერლუსკონიზე საუბრისას განაცხადა.

კალაძემ ისიც თქვა, რომ მისთვის ბერლუსკონე "მხოლოდ დიდი პრეზიდენტი, მეწარმე და პოლიტიკოსი კი არა, უპირველეს ყოვლისა, დიდი ადამიანი იყო".

შეგახსენებთ, რომ კალაძე "მილანში" 2001-2010 წლებში თამაშობდა, ამ პერიოდში კლუბის მფლობელი სწორედ იტალიის მაშინდელი პრემიერმინისტრი, სილვიო ბერლუსკონი იყო.

"ერთ ამბავს მოგიყვებით: 2008 წელს საქართველოში ომი იყო, საშინელი სიტუაცია. ბერლუსკონისთან მივედი, რადგან ვიცოდი, რომ პუტინთან კარგი ურთიერთობა ჰქონდა და ვკითხე, შეეძლო თუ არა რამის გაკეთება. ჩემზე ადრე მას დაურეკა და მალევე მშვიდობის შეთანხმება გაფორმდა. ჩემთვის სილვიო მხოლოდ დიდი პრეზიდენტი, მეწარმე და პოლიტიკოსი არ იყო. უპირველეს ყოვლისა, ის დიდი ადამიანი იყო", — იხსენებს კახა კალაძემ იტალიურ გამოცემა La Gazzetta dello Sport-თან საუბრისას.

ინტერვიუში კალაძემ ახსენა საფეხბურთო კლუბ "მილანის" ფეხბურთელ ანდრეი შევჩენკოსთან მეგობრობაც და თქვა, რომ მასთან რამდენჯერმე ისაუბრა უკრაინაში მიმდინარე ომზე.

"ჩვენ, საქართველოში, მსგავსი რამ გამოგვიცდია: ომი საშინელებაა. მაგრამ ჩემთვის ფუნდამენტური კითხვა ასეთია: სად მიგვიყვანს ეს ყველაფერი? პასუხს ვერ ვპოულობ", — ამბობს კალაძე.

კალაძემ ინტერვიუში იმასაც ამბობს, რომ დღემდე ერთადერთი ქართველია, ვინც ჩემპიონთა ლიგა ორჯერ მოიგო.