ტრანსგენდერთა ხსოვნის დღე წელს უკვე მეორედ აღნიშნეს ქუთაისში. ღონისძიება იდენტობა ქუთაისის სათემო რესურს ცენტრის ორგანიზებით გაიმართა.

20 ნოემბერი ტრანსგენდერთა ხსოვნის საერთაშორისო დღეა. პირველად იგი 1999 წელს, სან-ფრანცისკოში ჩატარდა, ტრანსგენდერი ქალის, რიტა ჰესტერის მკვლელობის წლისთავზე.

ფოტო: ანანო სურმავა / On.ge

აქციის მონაწილეებს სახელმწიფოსთან რამდენიმე პრეტენზია აქვთ. მათი თქმით, ხელისუფლებას არ გააჩნია ჰომო/ტრანსფობიურ დანაშაულთან ბრძოლის პოლიტიკა:

"არაეფექტურად ხდება სექსულური ორიენტაციისა და გენდერული ნიშნით მომხდარი დანაშაულებების გამოძიება. საბი ბერიანი საქმეც, სწორედ სამართლებრივად არათანმიმდევრული და არასენსიტიური პოლიტიკის მსხვერპლი გახდა."

აქტივისტების ცნობით, ტრანსგენდერი ადამიანებისთვის საიდენტიფიკაციო დოკუმენტებში სქესის შეცვლასთან დაკავშირებული საკითხები კანონმდებლობაში ცუდადაა ჩამოყალიბებული. მათივე შეფასებით აღნიშნულ საკითხთან სახელმწიფოს მიდგომა ძალადობრივია:

"პრაქტიკის მიხედვით (ადმინისტრაციული/სასამართლო) ტრანსგენდერი ადამიანებისთვის პირად დოკუმენტებში სქესის შეცვლისთვის აუცილებელი წინაპირობაა ქირურგიულ ოპერაცია/სტერილიზაცია. შესაბამისად საქმე გვაქვს ძალადობრივ და გაუაზრებელ სახელმწიფო პოლიტიკასთან."

ტრანსგენდერ ადამიანთა ხსოვნის საერთაშორისო დღე აღნიშნეს თბილისშიც. აქტივისტები ვაკის პარკში შეიკრიბნენ და ამ დრომდე კომაში მყოფი, დაჭრილი ტრანსგენდერი ქალის - ზიზის მხარდასაჭერი აქცია გამართეს.