ჩინეთში კარანტინისთვის განკუთვნილი სასტუმროს ჩამონგრევას 29 ადამიანი ემსხვერპლა. ამის შესახებ ინფორმაცის CNN ადგილობრივ მედიაზე დაყრდნობით ავრცელებს.

შემთხვევა გასულ შაბათს, აღმოსავლეთ ჩინეთში მოხდა. შენობაში 80 ადამიანი იმყოფებოდა, 9 ადამიანმა გაქცევა მოასწრო 71 ადამიანი კი ნანგრევებმა მიყოლა.

ჩინეთის მედიის ინფორმაციით, 5-დღიანი ძებნის შემდეგ ყველა მათგანი ნაპოვნია. სასტუმროში მყოფი პირებიდან 58 კარანტინში იმყოფებოდა და ყველა მათგანის პასუხი კორონავირუსზე ნეგატიური იყო.

მსოფლიოში კორონავირუსის 124 000-ზე მეტი შემთხვევაა დადასტურებული და 4 600-ზე მეტი ადამიანი გარდაიცვალა. ინფექცია ყველაზე მეტად გავრცელებულია:

  • ჩინეთი — დადასტურდა 80 980 შემთხვევა და დაიღუპა 3 136 ადამიანი;
  • იტალია — 12 462 შემთხვევა, დაიღუპა 827 ადამიანი;
  • ირანი — 9 000 შემთხვევა, გარდაიცვალა 354 ადამიანი;
  • სამხრეთ კორეა — 7 869 დაიღუპა 66 ადამიანი;
  • საფრანგეთი — 2 269 შემთხვევა, დაიღუპა 48 ადამიანი;
  • ესპანეთი — 2 140 შემთხვევა, დაიღუპა 49 ადამიანი.

მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა. პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: