ივლისი კინომანებისთვის ნამდვილად ცხელი თვე იქნება. ეკრანებზე როგორც დიდი ხნის ნანატრ ბლოკბასტერებს, ისე სრულიად ახალ, ორიგინალურ ისტორიებს უნდა ველოდოთ.

თუ არ იცით, რას უყუროთ, გთავაზობთ იმ 10 ახალ ფილმს, რომლებიც ივლისში აუცილებლად უნდა ნახოთ:

1. Evil Dead Burn

სემ რეიმის საკულტო ფრენჩაიზი ახალი საშინელებათა კომედიით ბრუნდება. Evil Dead Burn-ის საერთაშორისო პრემიერა 8-10 ივლისს იგეგმება. სიუჟეტი ახალგაზრდა ქალის გარშემო ვითარდება, რომლის გარდაცვლილი ქმრის ოჯახის წევრები მოულოდნელად ზომბებად იწყებენ ტრანსფორმაციას. რეჟისორის თქმით, ფილმი სრულიად დამოუკიდებელი ისტორიაა და მის სანახავად წინა ნაწილების ცოდნა აუცილებელი არ არის.

2. The Odyssey

კრისტოფერ ნოლანის ყველაზე მასშტაბური პროექტის, ჰომეროსის ოდისეას თითქმის 3-საათიანი ეკრანიზაციის საერთაშორისო პრემიერა 15-17 ივლისს შედგება. ფილმი ვარსკვლავური შემადგენლობითაა დაკომპლექტებული. მაყურებელი ეკრანებზე ისეთ ცნობილ მსახიობებს იხილავს როგორიც ზენდეია, ტომ ჰოლანდი, რობერტ პატინსონი და ენ ჰეთეუეი არიან.

3. Spider-Man: Brand New Day

ადამიანი ობობას მეოთხე ნაწილის საერთაშორისო პრემიერა 29-31 ივლისს იგეგმება. ფილმს ახალი რეჟისორი, დესტინ დანიელ კრეტონი ჰყავს, სიუჟეტი კი მარტო დარჩენილი პიტერ პარკერის პრობლემებზე ფოკუსირდება.

4. Enola Holmes 3

1 ივლისს Netflix-ზე Enola Holmes-ის მესამე ნაწილს ვიხილავთ. ფილში მილი ბობი ბრაუნის პერსონაჟი უკვე გაზრდილი ენოლას როლში ბრუნდება. ფილმის სცენარისტის თქმით, წინა ნაწილების მსგავსად, ახალი ფილმიც ვიქტორიანული ეპოქის ისტორიულ კონტექსტს ასახავს და ამჯერად აქცენტს კოლონიურ ისტორიაზეც გააკეთებს

5. Minions & Monsters

მინიონების მესამე ფილმი 1-3 ივლისს გამოდის. ამჯერად მინიონები 1920-იანი წლების ჰოლივუდში, მუნჯი კინოს სამყაროში ხვდებიან, რაც რეჟისორის თქმით, მათ ჟესტების ენასა და იუმორს იდეალურად უხდება. სიუჟეტის მთავარი ხაზი კი მაშინ იწყება, როდესაც მინიონები საკუთარი საშინელებათა ფილმის გადაღებას გადაწყვეტენ და ნამდვილი მონსტრის საპოვნელად უკაცრიელ კუნძულზე მიემგზავრებიან.

6. Moana

Disney-ის საკულტო ანიმაციის მხატვრული ვერსია ეკრანებზე 8-10 ივლისს გამოდის. მიუხედავად იმისა, რომ ორიგინალი სულ რაღაც 10 წლის წინ გამოვიდა, რეჟისორი მაყურებელს ბევრ სიახლეს ჰპირდება.

7. Gail Daughtry and the Celebrity Sex Pass

დევიდ ვეინის ახალი კომედია Gail Daughtry and the Celebrity Sex Pass 10 ივლისს გამოდის.

8. Remake

როს მაკელვის ახალ დოკუმენტურ ფილმს მაყურებელი ეკრანებზე 10 ივლისს იხილავს. Remake რეჟისორის ვაჟის, ედრიანის ცხოვრებას დაბადებიდან ზრდასრულობამდე ქრონოლოგიურად მიჰყვება. კერძოდ, ფილმი მის ბიპოლარულ აშლილობაზე, რეაბილიტაციის პერიოდსა და ნარკოტიკების ზედოზირებით გამოწვეულ ტრაგიკულ სიკვდილზე გვიყვება.

9. Reading Lolita in Tehran

ერან რიკლისის Reading Lolita in Tehran, რომელიც აზარ ნაფისის 2003 წლის ბესტსელერ მემუარებზეა დაფუძნებული, 10 ივლისს გამოდის. ფილმი 1980-90-იანი წლების ირანის შესახებ გვიყვება. რეჟიმის გამკაცრების გამო, პროფესორი იძულებულია სახლში ფარული ყოველკვირეული წიგნის კლუბი გახსნას. კლუბის წევრი ქალები კლასიკურ რომანებს განიხილავენ და მათ საკუთარ რეალობას ადარებენ. კრიტიკოსები ფილმს ჩაგვრის წინაშე გამოჩენილი სიმამაცის შთამბეჭდავ ისტორიად აფასებენ.

10. Her Private Hell

ნიკოლას ვინდინგ რეფნის ახალი სკანდალური ფილმი Her Private Hell 24 ივლისს გამოვა. ცნობილია, რომ ფილმში მონაწილეობას ჩარლზ მელტონი მიიღებს.