ირაკლი კობახიძე ჩრდილოეთ მაკედონიის ასამბლეის პრეზიდენტს, აფრიმ გაშის შეხვდა. მთავრობის ადმინისტრაციის ცნობით, შეხვედრაზე აღინიშნა, რომ ასამბლეის პრეზიდენტის საქართველოში ვიზიტი კარგი შესაძლებლობაა საერთო მისწრაფებებზე მოსაზრებების გაცვლისა და ორმხრივი თანამშრომლობის გაღრმავების გზებზე მსჯელობისთვის.

"ხაზი გაესვა საქართველოსა და ჩრდილოეთ მაკედონიის რესპუბლიკას შორის პოლიტიკური დიალოგისა და სექტორული კავშირების შემდგომი გააქტიურების მნიშვნელობას.

ყურადღება გამახვილდა ორი ქვეყნის საკანონმდებლო ორგანოებს შორის არსებულ ნაყოფიერ ნაყოფიერ თანამშრომლობაზე და პარლამენტთაშორისი ურთიერთობების გაძლიერების პერსპექტივებზე.

შეხვედრისას საუბარი ასევე შეეხო საქართველოს როლს შავი ზღვის რეგიონში, რეგიონული დაკავშირებადობისა და დიალოგის ხელშეწყობის მიმართულებით", — წერია გავრცელებულ ინფორმაციაში.