შარაშიძემ დაიწყო შეურაცხმყოფელი საუბარი პრემიერზე, ფარულავამ დაიწყო ფიზიკური და სიტყვიერი დაპირისპირება და ამაზე ითხოვენ [გამოძიების დაწყებას]. როგორც ჩანს, გახარიასგან ეს ვალდებულება აქვთ, — ამის შესახებ სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ პარლამენტში მომხდარ ფიზიკურ დაპირისპირებაზე საუბრისას განაცხადა. მისი თქმით, მსოფლიოში პრეცედენტი არ არსებობს, რომ გამოძიება დაწყებულიყოს პარლამენტში მომხდარი ჩხუბზე, რადგან პარლამენტარებს გააჩნიათ იმუნიტეტი.

"თუ გაგიგიათ მსოფლიოში პრეცედენტი, რომ გამოძიება დაწყებულიყოს პარლამენტში მომხდარი ჩხუბის გამო? ნუ, რა თქმა უნდა სხეულის დაზიანების რაღაც ხარისხი თუ არ გააჩნია ადამიანს, დაშავდა. გაგიგიათ ასეთი პრეცედენტი? ვინმეს შეგიძლიათ, აი, აქ უამრავი ადამიანი ბრძანდებით და თქვათ, რომ იაპონიაში, ევროპის ქვეყნებში პარლამენტში ჩხუბის გამო პასუხისმგებლობაში მიცემული ადამიანის ერთი შემთხვევა თუ გაგიგიათ? ეს რატომ ხდება? ეს ხდება იმიტომ, რომ მათ გააჩნიათ იმუნიტეტის ფაქტორი.

...როგორ მოხდა ეს ყველაფერი, იმაზე თუ ვილაპარაკოთ, გავიდა გამომსვლელი, გვარი დამავიწყდა, შარაშიძე, სპეციალურად დავალებით, მანამდე ვნახეთ კადრები, გავიდა და იღებს დავალებას და ჩვენ კარგად ვიცით, ვის, ვარაუდი შეგვიძლია ისიც, ინფორმაციაც გვაქვს ხომ ყველას, ვისგანაც იღებს დავალებას, რომ პროვოკაცია უნდა მოეხდინა, წამოეკიდებინა ვინმე, შემოვიდა, დაიწყო საუბარი შეურაცხმყოფელი პრემიერზე, რაც დაიწყო. ამაზე სიტყვიერი პასუხის გარდა ვერაფერი მიუღია და მეორე მათგანმა, ფარულავამ დაიწყო ფიზიკური და სიტყვიერი დაპირისპირება. პირველი მან მოიქნია ხელი, სხვათა შორის, პირველი მან შეიგინა, მიიღო პასუხი, სამწუხარო, გასაგებია, არავის არ მოგვწონს ეს, არც მისი ხელით მოქნეული მოგვწონს, არც სხვის მოქნეული ხელი და ამაზე ითხოვენ [გამოძიების დაწყებას] და თან განცხადებაა ჩემთვის ცნობილი, პროკურატურაში შეიტანეს, საერთოდ არ ვიცი, განცხადებაა შესული სახელმწიფო თანამდებობის პირის მიმართ თავდასხმაზე დაიწყეთო გამოძიება, მისი სამსახურებრივი საქმიანობასთან დაკავშირებით, სამსახურებრივი მოვალეობის შესრულების დროს. ანუ დედის გინება თუ მათი სამსახურია, თქვან. ასეთი უმეცრება ერთი იურისტი არ ჰყავს, როგორც ჩანს, გარშემო, რომ უთხრან, რომ ეს არ შეიძლება იყოს სამსახურებრივ საქმიანობასთან დაკავშირებული. სამსახურებრივ საქმიანობასთან დაკავშირებით შეიძლება ყოფილიყო ჩემს მიმართ, აი, ისე რომ მოგეპარება ვიღაცა ვირტუალურად და ხელს დაგარტყამს, როცა შენ სამსახურებრივ მოვალეობას ასრულებ ან საქმიანობასთან დაკავშირებით, ეს შეიძლება ყოფილიყო, მაგრამ მაშინ არც კი მიფიქრია, საჩივრების წერა, იმიტომ კი არა, რომ ვთქვათ ეს რაღაც ძველბიჭური მიდგომის შედეგია, საერთოდ შორს ვარ ამ ყველაფრისგან, იმიტომ რომ ეს იყო დამკვიდრებული პრაქტიკა და მივიჩნიე, რომ საჩივარი ამ შემთხვევაშიც კი, როცა დანაშაულის ნიშნები კლასიკური თვალსაზრისით იყო აშკარად გამოკვეთილი და სახეზე, ამ შემთხვევაშიც არც კი მიფიქრია ერთი წამით, რომ შევსულიყავი პროკურატურაში განცხადებით,,

როდესაც თვითონ დაიწყეს პროვოკაცია, თვითონ დაიწყეს სიტყვიერი შეურაცხყოფა, თვითონ მოიქნიეს პირველი ხელი და ამაზე რეაქციაზე საჩივარს წერენ და თან სამსახურებრივ დედის გინებაზე მოქნეულს ასე ვთქვათ, ხელის მოქნევაზე, საპასუხო რეაქციაზე საჩივარს წერენ, რომ სამსახურებრივ მოვალეობას ვასრულებდითო, მაშინ თქვან ფარულავამ მაგალითად, რომ ხელის ქნევა, ხელის დარტყმა და დედის გინება არის მისი სამსახურებრივი მოვალეობა, როგორც ჩანს გახარიასგან ეს ვალდებულება აქვთ დაკისრებული და ეს მიაჩნიათ სამსახურებრივ მოვალეობად.

...კიდევ ერთხელ გავიმეორებ, როდესაც აღშფოთდები მოქნეულ ხელზე, დარტყმულ ხელზე პასუხით, დედის გინებაზე პასუხით და არ გვახსოვს იგივე ვირტუალურად მიპარული დარტყმის გამო, ეს ერთი მხრივ უმორალობაზე და მეორე მხრივ კანონის და დამკვიდრებული საერთაშორისო სამართლებრივი პრაქტიკის სრულ უმეცრებაზე მიუთითებს", — განაცხადა მდინარაძემ.