ოსკაროსან მსახიობ, ტომ ჰენკსსა და მის ცოლს, რიტა უილსონს ავსტრალიაში კორონავირუსი დაუდასტურდათ.

მსახიობი ინსტაგრამზე წერს, რომ სამედიცინო დახმარებისთვის სიმპტომების გამოვლინების შემდეგ მიმართეს. ახლა ისინი იზოლაციაში იქნებიან. ტომ ჰენკსი ავსტრალიაში ელვის პრესლის ცხოვრებასთან დაკავშირებულ ფილმზე მუშაობდა.

"დაღლილობას ვგრძნობდით, თითქოს გავცივდით და სხეულში რაღაც ტკივილები გვქონდა. რიტას მცირე შემცივნება ჰქონდა ხოლმე. ასევე ცხელებასაც ვგრძნობდით", — წერს ჰენკსი.

როგორც მსახიობი ამბობს, იზოლაციაში იმდენი ხანი იქნებიან, რამდენიც საზოგადოებრივ ჯანმრთელობასა და უსაფრთხოებას დასჭირდება.

მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა.

პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით.

მსოფლიოს მასშტაბით კორონავირუსით ინფიცირებულთა რიცხვმა 110 000-ს გადააჭარბა. გარდაცვლილია 4 000-ზე მეტი ადამიანი, გამოჯანმრთელდა — 64 000-ზე მეტი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: